ەكى ەلدىڭ باسشىلارى تەلەفون ارقىلى ءبىراز ماسەلەنىڭ ءتۇيىنىن شەشتى.

اقش پرەزيدەنتى دونالد ترامپ پەن رەسەي پرەزيدەنتى ۆلاديمير پۋتين جارتى ساعات كولەمىندە تەلەفونمەن سويلەسىپ، سيرياداعى قاقتىعىستى تالقىلادى، دەپ حابارلايدى قامشى اقپاراتتىق اگەنتتىگى كرەملدىڭ باسپا ءسوز قىزمەتىنە سىلتەمە جاساپ.

اق ءۇي ەكى ەل باسشىسى سيرياداعى سوعىستى، تاياۋ شىعىستاعى تەرروريزمدى جويۋداعى بىرلەسكەن جۇمىستاردى جانە سولتۇستىك كورەياداعى ءقاۋىپتى جاعدايدى رەتتەۋدىڭ ءتيىمسدى جولدارىن تالقىلاعانىن حابارلادى. ترامپ اكىمشىلىگى ۆاشينگتون 3-4 مامىردا استانادا وتەتىن سيريا جونىندەگى كەلىسسوزگە وكىلىن جىبەرەتىنىن دە حابارلادى.

كرەملدىڭ مالىمدەمەسى بويىنشا، پرەزيدەنتتەر سيرياداعى قاقتىعىستى توقتاتۋ ءۇشىن اقش مەملەكەتتىك حاتشىسى رەكس تيللەرسون مەن رەسەي سىرتقى ىستەر ءمينيسترى سەرگەي لاۆروۆ اراسىنداعى ىنتىماقتاستىقتى كەڭەيتۋگە كەلىسكەن، سونداي-اق، پۋتين مەن ترامپ 7-8 شىلدەدە گامبۋرگتە وتەتىن "ۇلكەن جيىرمالىق" ەلدەرىنىڭ سامميتىندە جەكە كەزدەسۋ يدەياسىن قولداعان.