2 مامىردا پىشاق جانە بيتامەن قارۋلانعان ءبىر توپ جاس جىگىت تاكسي جۇرگىزۋشىسىنە شابۋىل جاساعان. وقيعا مولوكوۆ كوشەسىندەگى "ودەجدا" دۇكەنىنىڭ ماڭىندا بولدى، - دەپ حابارلايدى قامشى اقپاراتتىق اگەنتتىگى Tengrinews.kz پورتالىنا سىلتەمە جاساپ.

"دوستارىممەن بىرگە اۋلادا وتىرعانمىن. جانىمىزدان بەس جىگىت جۇگىرىپ ءوتتى. ولاردىڭ بىردەڭەگەن قورىققانى بايقالىپ تۇردى. ارتىنان قولدارىندا پىشاق پەن بيتا ۇستاعان 15 ادام جۇگىردى. جاقىن جەردە جولاۋشىسىن كۇتىپ، تاكسي جۇرگىزۋشىسى تۇرعان. قۋعانداردىڭ بىرنەشەۋى جۇرگىزۋشىگە كەلىپ، قاشقانداردىڭ ارتىنان قۋ دەپ ايعايلادى. ەر ادام شاقىرتۋمەن كەلگەنىن، ادامداردىڭ ءقازىر شىعاتىنىن ايتتى. وسى كەزدە ولار كولىكتىڭ تەرەزەلەرىن شاعىپ، جۇرگىزۋشىنى سوققىعا جىعىپ، قاشىپ كەتتى. كەيىنىرەك اتىس بولعانى ەستىلدى، - دەيدى كۋاگەر الەكساندرا سيمونوۆا.

فەدەروۆكا اۋىلىنىڭ تۇرعىنى يۋليا كۋزنەسوۆا دا ۇقساس وقيعا تۋرالى ايتىپ بەردى: "بىرنەشە سەكۋندتا بولدى. قولدارىندا بيتا ما، ترۋبا ما بولدى. ءۇش-تورت جىگىت مەرسەدەسكە جاقىنداپ كەلىپ، "ۇر ونى!"، دەپ ايعايلىپ، سوققىعا جىقتى. سوسىن بىرەۋ وق اتتى. كەيىن ءۇشىنشى اۆتوپارك جاققا قاراي جۇگىرىپ كەتتى". 

قاراعاندى وبلىستىق ءىىد وكىلدەرى شابۋىل جاساعانداردىڭ وق اتقانىن جوققا شىعاردى. 

"اتالعان دەرەككە قاتىستى "بۇزاقىلىق" بابى بويىنشا قىلمىستىق ءىس قوزعالدى. سوتقا دەيىنگى تەرگەۋ باستالدى. ءىستىڭ ءمان-جايى انىقتالىپ جاتىر. بارىق كۇدىكتى قولعا ءتۇستى، ولار تەرگەۋ اباقتىسىندا"، - دەيدى ءىىد-نىڭ باسپا ءسوز حاتشىسى باقىتجان قۇدياروۆ.