ءار ەلدىڭ  ۇيلەنۋ تويلارى  وزدەرىنە ءتان ەرەكشەلىكپەن، وزگەشە راسىممەن ءوتىپ جاتادى. ال ارابتاردىڭ تويى مۇلدەم باسقاشا. بۇل ەرەكشەلىكتەردى قامشى اقپاراتتىق اگەنتتىگى ytrokz-كە  سىلتەمە جاساي وتىرىپ جيناقتاپ شىقتى.

ارابتىڭ تويىنا ءسىز شاقىرۋسىز بارا المايسىز. ەگەر ءسىز توي بولاتىن ءۇيدى ۇمىتىپ قالساڭىز، كىرەبەرىستە تۇراتىن كۇزەتشىلەر ءسىزدى كىرگىزبەي قويۋى ابدەن مۇمكىن.

ارينە ەگەر ءسىزدى توي ۇيىمداستىرۋشىلارى ءسىزدى تانىپ، كىرگىزبەسە ءسىز كەرەمەت توي كەشىنەن قۇر قالاسىز. ءسىز تويعا شاقىرتۋ بيلەتىن دۇرىستاپ قاراۋ كەرەكسىز. سەبەبى شاقىرتۋ بيلەتىندە «ءوتىنىش، بالالارسىز كەلىڭىزدەر» نەمەسە «ۇيالى تەلەفونسىز كەلىڭىزدەر» دەپ جازىلىپ تۇرۋى مۇمكىن.

كاتارداعى ۇلتتىق توي كەڭ سارايدا، قىمبات مەيمانحانادا وتەدى. بۇل تەك باستاماسى. ەكى زالدى جالعا الادى. ونىڭ ءبىرى ايەلدەرگە، ءبىرى ەرلەرگە ارنالادى. كۇيەۋ جىگىت ايەلدەرگە ارنالعان زالعا تەك قالىڭدىعىن الىپ كەتۋ ءۇشىن كىرەدى.

ايەلدەر جاقتا ۇيالى تەلەفون قولدانۋعا، سۋرەتكە تۇسۋگە تىيىم سالىنعان.  ۇيالى تەلەفوندار الدىن الا جينالىپ الىنادى ەكەن.

توي ءراسىمى ادەتتە دۇعامەن ساعات 20:00-دە باستالادى. قوناقتار كەلىپ، جايعاسا بەرەدى، ولارعا قىمبات شوكولاد بەرىلەدى. ىشىمدىكتى مۇسىلماندار قولدانبايىندىعىن ەسكەرتۋدىڭ قاجەتى جوق شىعار.

ەرلەردىڭ بولمەسىندە نە بولىپ جاتقاندىعىن ايەلدەر ءوز بولمەلەرىندە كەڭ ەكران ارقىلى كورىپ وتىرادى. ال ەرلەرگە ايەلدەردىڭ بولمەسىندە نە بولىپ جاتىرعاندىعىن كورە المايدى.

اراب ايەلدەرىنىڭ كوبىسى ءوز ەلدەرىندە قاراپايىم، جابىق كيىنەدى. ولار «اباييا» اتتى ۇلتتىق كيىمدەرىن ءجيى كيەدى. كەيبىر ايەلدەر كۇندەلىكتى نيكاب  كيىپ جۇرەدى، بۇل كيىمدە ولاردىڭ تەك كوزدەرى عانا اشىق بولادى.

ولار ءوز تويلارىندا سوڭعى رەت ساندەنگەندەي بولىپ دايىندالادى. ولاردىڭ كويلەكتەرى حانشايىم سەكىلدى جالتىراپ كوزدىڭ جاۋىن الادى. شىعىس سۇلۋلارىن تاڭقالارلىقتاي ادەمى كويلەك كيگەنىن ەلەستەتىپ كورىڭىزشى. ەگەر اراب قىزدارى جابىق كيىنەسە جولدا كولىك اپاتى تىم ءجيى بولاتىن ەدى دەپ تەكتەن-تەككە ايتپاعان شىعار.

ادەمى بەت ارلەۋى، قىمبات اياق كيىم، جيناقى شاش ۇلگىسى. بارلىعى بىرگە وتە ادەمى ءارى قىمبات كورىنەدى.

بارلىق قوناقتار بىر-بىرىمەن اڭگىمە-دۇكەن قۇرىپ، بي بيلەسە، باسى بوس قىزدار ساحناعا شىعىپ، وز-وزدەرىن كورسەتۋگە تىرىسادى. ولاردىڭ ماقساتى ءوز ۇلىنا قالىندىق ىزدەپ جۇرگەن انالاردىڭ كوزىنە ءتۇسۋ. كوپتەگەن تانىسۋلار وسىنداي تويلاردا كوپتەپ كەزدەسەدى.

ساعات كەشكى 10-11-لەرگە تامان قالىڭدىق ورتاعا شىعادى. جارىق جاعىلىپ، نازىك، رومانتيكالىقا اۋەن ويناتىلادى.

ارابتاردىڭ توي كويلەگى كەرەمەت ونەردىڭ ناتيجەسى سەكىلدى. ادەمى، قىمبات تاستارمەن بەزەندىرىلەدى. قالىڭدىق  ارى-بەرى كۇلىمسىرەپ ءجۇرىپ، ءبىراز ۋاقىتتان كەيىن وزىنە ارنالعان ارنايى ورىنعا وتىرادى.

وسى كەزدە 1 ساعاتتان كەيىن كۇيەۋ جىگىتتىڭ جولدا كەلە جاتقانىن ەستي سالا قىزدار جيناقتالىپ، ءوز اباييالارىن كيىپ، باياعى قاراپايىم كەزدەرىنە ورالادى. سوسىن كۇيەۋ جىگىت پەن ونىڭ جاقىن تۋىستارى كەلەدى. ال قالىڭدىق بۇل كەزدە سويلەمەيدى. كەي تويلاردا بۇل ۋاقىتتا تورت كەسىلەدى.

ءبىراق ۋاقىتتان كەيىن تۋىسقاندارى ءوز رازىلىقتارىن ءبىلدىرىپ، كۇيەۋ جىگىت قالىڭدىقتى ءوز بولمەسىنە الىپ كەتەدى. بۇل بولمە سول مەيمانحاناداعى ەڭ ادەمى، قىمبات بولمە بولادى. قوناقتار بولسا ساعات تاڭعى 4-5-تەرگە جۋىق توي تويلاپ بولىسىمەن ۇيلەرىنە قايتادى.