بۇل تۋرالى ورتالىق كوممۋنيكاسيالار قىزمەتىندە قورعانىس مينيسترلىگى قارۋلى كۇشتەردىڭ 25 جىلدىق مەرەيتويىنا وراي وتكىزگەن ينتەراكتيۆتى ءدارىس بارىسىندا قازاقستان رەسپۋبليكاسى قورعانىس ءمينيسترىنىڭ ورىنباسارى گەنەرال-مايور تالعات مۇحتاروۆ مالىمدەدى دەپ حابارلايدى قامشى اقپاراتتىق اگەنتتىگى.

         «راسىندا ەل ىشىندە اسكەري قىزمەتتى 1 جىلدان 2 جىلعا ۇزارتادى دەگەن اقپارات شىقتى. ءبىراق زاڭ جۇزىندە 1 جىلدىق ۋاقىت بەلگىلەنگەندىكتەن مەرزىمدى اسكەري قىزمەتتى وتەۋ ۋاقىتى وزگەرىسسىز قالدى. بورىشىن وتەۋ ءۇشىن شاقىرىلعان ساربازدارعا اسكەري ادىس-تاسىلدەردى وقىپ ۇيرەنۋگە ون ەكى اي جەتكىلىكتى دەپ ويلايمىن. ءبىز ولاردى جۇرگىزۋشى، اتقىش سەكىلدى ماڭىزدى ماماندىقتارعا باۋلىپ، 1 جىلدىڭ ىشىندە تولىق يگەرىپ شىعۋلارىنا تولىق مۇمكىندىك جاسايمىز. ويتكەنى ءبىزدىڭ ارنايى اسكەري وكرۋگتەرىمىزدە مامانداندىرىلعان وقۋ ورتالىقتارى جۇمىس جاسايدى. كەلگەن جاستار نەگىزگى اسكەري بولىمگە جەتكەنشە سول جەردەن جان-جاقتى دايارلانىپ، ءدارىس الىپ شىعادى» دەدى ول.