نيۋ-يوركتا "مەتروپوليتەن" مۇراجايىندا ءوتىپ جاتقان قايىرىمدىلىق جيىلىسىندا ءوزىن سۋرەتشىمىن دەپ جاريالاعان ەر ادام اينەك جاشىك ىشىنە جاتىپ العان.
41 جاستاعى فەدور پاۆلوۆ رەسەيلىك سۋرەتشى ەكەن. بۇل تۋرالى قامشى اقپاراتتىق اگەنتتىگى New York Daily باسىلىمىنا سىلتەمە جاساپ حابارلايدى. باسىلىمنىڭ جازۋىنشا، ەر ادامدى مۇراجاي الدىنداعى قىزىل كىلەمگە ونى كومەكشىلەرى الىپ كەلگەن، ءتۇسسىز اينەك جاشىكتىڭ ىشىنە دە سولار كىرگىزگەن.
جالاڭاش ەركەكتىڭ الدىنان مۇراجايعا جان-جاقتان كەلگەن قوناقتار وتكەن. قۇقىق قورعاۋ ورگاندارى ەر ادامدى جاشىكتەن شىعۋىن سۇراعان. الايدا ەر ادام ولاردىڭ سوزىنە قۇلاق استپاعان. ناتيجەسىندە «ءبىرتۇرلى» ەر ادامدى پوليسەي قىزمەتكەرلەرى جاشىگىمەن بىرگە ۇستاپ الىپ كەتكەن.
فەدور پاۆلوۆقا قوعامدىق ورىنداعى ەرەجەنى بۇزعانى ءۇشىن ايىپ تاعىلدى. سۋرەتشى وسىعان دەيىن دە مۇراجايلاردا ءوزىن «ەرەكشە» تاسىلمەن ەلدىڭ نازارىنا ۇسىنعان ەكەن. سوڭعى رەت سان-پاۋلودا وتكەن اكسيادا جاشىككە كىرىپ ەلدى تاڭقالدىرسا كەرەك.
