بۇلاي قۋانىپ، قازاق حالقىنان سۇيىنشىلەپ قۋانىشتى حابارمەن ءبولىسۋدى اسىعا كۇتتىك. قارت الاتاۋدىڭ بوكتەرى قاپشاعاي كولىنىڭ جاعالاۋى بالا كۇلكىسىنە وراندى، - دەپ حابارلايدى قامشى اقپاراتتىق اگەنتتىگى «بالداۋەن-قاپشاعاي» روسو باسپا ءسوز قىزمەتىنە سىلتەمە جاساپ.

جەر شوقتىعى بۋراباي جەرىندەگى 15 جىلدىق تاريحى بار «بالداۋرەن» روسو-نىڭ كەلبەتى جەر ءجانناتى جەتىسۋ مەن الىپ قالا الماتىعا دا كەلىپ جەتتى. ءساۋىر ايىنان «بالداۋرەن-قاپشاعاي» روسو ءوزىنىڭ جۇمىسىن باستاپ كەتتى. قازىرگى تاڭدا بۇل جەردە بىلىكتى ماماندار جۇمىس ىستەپ جاتىر. ساۋىقتىرۋ ورتالىعىنىڭ تاعى ءبىر ەرەكشەلىگى جىلدىڭ بارلىق مەزگىلىندە بالالاردى قابىلداپ، بىلىكتى ۇيىمداستىرشۋى – ۇستازداردان (تالىمگەر)، جوعارعى ساناتتى پەداگوگ ماماندارىنان ءبىلىم الۋعا تولىق مۇمكىندىگى بار.

تاۋلىك بويى بالا دەمالىسىن قىزىقتى ەتىپ  ۇمىتىلماستاي اسەر قالدىرۋعا ۇيىمداستىرۋشى ۇستازدار جۇمىس جاسايدى.

بالالاردى تاماقتاندىرۋدا جاقسى قاراستىرىلعان. تاۋلىگىنە 6 رەتتىك تاماقتانۋ جانە تىنىعۋ ۋاقىتى جۇزەگە اسىرىلادى.

ەلباسىمىز:  - «وسكەلەڭ ۇرپاق ۇلت بولاشاعىنىڭ كەپىلى» -  دەپ، ايتقانداي ەل تۇتقاسىن ۇستايتىن ءبىلىمدى دە بىلىكتى بالا تاربيەلەۋ جانە ولاردىڭ قىزىعۋشىلىعى مەن جارقىن كوڭىلدى دەمالىسىن ۇيىمداستىرۋ «بالداۋرەن-قاپشاعاي» روسو-نىڭ باستى مىندەتى مەن ماقساتتارىنىڭ ءبىرى بولىپ تابىلادى.

بالاڭىزعا باقىتتى بالالىق شاق سىيلاڭىز!