وقو-دا كەزەكتى پەدوفيل تۇتقىندالدى، دەپ حابارلايدى قامشى اقپاراتتىق اگەنتتىگى timeskz.kz باسىلىمىنا سىلتەمە جاساپ.

تۇلكىباس اۋدانىنىڭ 23 جاستاعى تۇرعىنى وسىعان دەيىن دە سوتتى بولعان. نە وتباسى، نە جۇمىسى جوق جىگىت ءىشى پىسقاننان اۋدان كوشەلەرىن ارالاپ ءجۇرىپ، مەكتەپتەن قايتىپ كەلە جاتقان 15 جاستاعى وقۋشىنى كورىپ قالعان.

جاس جەتكىنشەكپەن تانىسىپ، وعان ءتۇرلى ماقتاۋ سوزدەر ايتىپ، ۇيىنە شىعارىپ سالماق بولدى. ءوز ارام پيعىلىن ىسكە اسىرماق بولعان قىلمىسكەر جولدا ساياباقتا سەرۋەندەپ قايتۋدى ۇسىنعان. بەلگىلى بولعانداي، ساياباقتا ادامدار بولماعان. پەدوفيل كەنەتتەن قىزعا تاپ بەرىپ، ونى اجەتحاناعا سۇيرەپ الىپ بارعان دا، ونى زورلاعان.

كەيىننەن مەكتەپ وقۋشىسىن ۇيىنە دەيىن الىپ بارىپ، اناسىنا ايتقان جاعدايدا ءولتىرىپ كەتەمىن دەپ قورقىتقان ەكەن.

زارداپ شەككەن قىز كەلە سالا ءمان-جايدى اناسىنا ايتىپ بەرگەننەن سوڭ اناسى دەرەۋ پوليسيا بولىمشەسىنە بارىپ ارىز جازعان.

قىلمىستىق ىستەرگە قاتىستى وقو اۋداندىق مامانداندىرىلعان سوتى كامەلەتكە تولماعان قىزعا زورلىق كورسەتتى دەگەن ايىپپەن قىلمىسكەردى 14 جىلعا باس بوستاندىعىنان ايىردى.