نيۋ-يوركتەگى اتاقتى «كريستيس» اۋكسيون ءۇيى جىل سايىن ءداستۇرلى ونلاين-اۋكسيون وتكىزىپ تۇرادى. بيىلعى جىلعى اۋكسيونعا جاسى ميللياردتاعان جىلدان اساتىن مەتەوريتتەردى ساتىلىمعا شىعاردى، دەپ حابارلايدى قامشى اقپاراتتىق اگەنتتىگى life.kz-كە  سىلتەمە جاساپ.

ونلاين-اۋكسيوندا مىڭ مەن 120 مىڭ دوللار اراسىنداعى سومماعا عارىشتىق بايلىقتاردى ساتىپ الۋعا بولادى.  اۋكسيونعا قويىلعان كوللەكسيا اتاۋى «تەرەڭ بايلانىس. اي، مارستىق سيرەك مەتەوريەتتەر» دەپ اتالادى. 

باعالى ءارى سيرەك كەزدەسەتىن مەتەوريەتتەرگە  جانى قۇمار كەز كەلگەن ادام ءوز تالعامىنا ساي باعالى زاتتى اۋكسيوننان تابا الادى. ءتۇرلى ولشەمدى بولىپ كەلەتىن ۇلگىلەر مارس پەن جەردىڭ جاساندى سەرىگىندە  دە كەزدەسەدى. ولاردىڭ ىشىندە حريزولين سەكىلدى باعالى تاستارمەن كومكەرىلگەندەرى دە بار.

مەتەوريتتەر - جەر شارىنىڭ اتموسفەراسىنان وتكەن قۇيرىقتى جۇلدىزدىڭ قالدىقتارى. ولار وتە سيرەك كەزدەسەدى جانە كوزدىڭ جاۋىن الىپ تۇراتىن تەڭدەسسىز سۇلۋلىققا يە. كوپشىلىككە ۇنايتىنى دا وسى ەكى قاسيەتى.

اۋكسيونعا قويىلاتىن مەتەوريتەتتەر بارىنشا ۇلكەن كولەمدە جانە ەرەكشە پىشىنگە يە بولۋى كەرەك. ءپىشىنى قانشالىقتى ەرەكشە بولسا، باعاسى دا سونشالىقتى ارتىپ وتىرادى.

بيىلعى جىلى اۋكسيونعا قويىلعان مەتەوريتتەردىڭ ىشىندەگى ەڭ قىمباتى مەكسيكا قالاسىنان تابىلعان. ونىڭ بويىندا جەر شارىندا كەزدەپەيتىن كومىرتەكتەس ماتەريالدار بار. ال ونىڭ جاسى 4،56 ملرد. جىلعا جەتەدى. جالپى الىپ قاراعاندا ءبىزدىڭ عالامشارىمىزدان جاسى ۇلكەن.

اۋكسيونعا قويىلاتىن ءار ءبىر مەتەوريتەت الدىن الا نومىرلەنەدى جانە قاي جەردەن تابىلعانى جايلى ناقتى مالىمەت بەرىلەدى.