وتكەندە ءبىر مەكتەپتەگى 4-كلاسس (سىنىپ دەگەن ءسوزدى ءبىزدىڭ ۇرپاق قابىلداي الار ەمەس...) ۇلدارىنىڭ اراسىنداعى "جىگىت سۇلتانى" بايقاۋىنا قازىلىق جاساۋعا تۋرا كەلدى. بۇل جاستاعى بالالار ءۇشىن تىم ەرتە ەمەس پە؟ جارايدى، ەرتە ەمەس تە شىعار. ءبىراق...

1.ءبىر بالا تاقپاق ايتتى. قالعاندارى ءان سالدى. تەك، "مينۋسوۆكاداعى" داڭعىراعان مۋزىكادان ولاردىڭ داۋسىن ەسىتە الماي قور بولدىم... دومبىرا، بايانمەن سۇيەمەلدەپ ايتقىزۋعا بولمايتىن با ەدى؟..

 2. كۇش سايىسىنا ورتاعا جەڭىل گانتەل قويىلعان ەكەن، بارلىعى دا وپ-وڭاي 10 رەتتەن كوتەردى دە قويدى. كىمنىڭ كۇشى قانداي ەكەنى بايقالماي قالدى.

 3.ءوز قولىمەن بۇيىم جاساۋ دەگەن تاپسىرماعا ءبارى ۇيىنەن يا تورت سەكىلدى تاعامدار ءپىسىرىپ اكەلگەن، يا زات جاساپ اكەلگەن. اكەمىزبەن بىرگە ىستەدىك دەپ قويادى. نە دە بولسا كوپتىڭ الدىندا جاساماعاننان كەيىن مۇندا دا كىمنىڭ قانشالىقتى ونەرلى ەكەنىن انىقتاۋ مۇمكىن بولمادى.

4.تاپقىرلىق سىنىنا "2ء-نىڭ كۆادراتى قانشا؟" دەگەن سەكىلدى كۇلكىلى سۇراقتار قويىلدى. ەڭ سوڭىندا، قازىلار القاسىنىڭ ءتوراعاسى، مەكتەپ ديرەكتورىنىڭ ورىنباسارى مەنىڭ تالاپ ەتۋىممەن، قينالىپ بارىپ، بارلىق 10 سىناق بويىنشا قويىلعان بالل قوسىندىسىن شىعارىپ، جەڭىمپازدى انىقتادىق... سوندا بۇنداي كوزبوياۋشىلىق بايقاۋى كىمگە، نە ءۇشىن قاجەت بولدى؟ "گالوچكا" ءۇشىن بە؟ ماقتاۋلى مەكتەپتىڭ ۇستازدارى شاكىرتتەرىنىڭ ساناسىنا نە ءسىڭىرىپ، نە قۇيىپ جاتىر؟..

ءومىرزاق اقجىگىتتىڭ فەيسبۋك پاراقشاسىنان