«ەكسپو-2017: بولاشاق ەنەرگياسى» حالىقارالىق مامانداندىرىلعان كورمەسىن وتكىزۋ كەزىندەگى مادەني باعدارلامانىڭ تولىق ءتىزىمى بەكىتىلدى دەپ، حابارلايدى قامشى اقپاراتتىق اگەنتتىگى استانا قالاسىنىڭ مادەنيەت، مۇراعاتتار جانە قۇجاتتاما باسقارماسىنا سىلتەمە جاساپ.

شارانىڭ جوسپارى قازاقستان رەسپۋبليكاسىنىڭ مادەنيەت جانە سپورت مينيسترلىگىمەن، «استانا ەكسپو-2017» ۇلتتىق كومپانياسى جانە استانا قالاسىنىڭ اكىمدىگىمەن بىرلەسىپ ازىرلەندى.

مادەني-بۇقارالىق شارالار جاز بويى – ماۋسىمنان قىركۇيەك ايىنا دەيىن وتكىزىلەدى. بۇل كەزەڭدە قالا اكىمدىگىمەن 647 شارا ۇيىمداستىرىلادى. 

جوسپارلانعان شارالار ءتۇرلى فورماتتا وتكىزىلەدى: حالىقتىق سەرۋەن، مادەني-بۇقارالىق، وتباسىلىق دەمالىس، فەستيۆالدەر، كورمەلەر، تەاترلاندىىرىلعان جانە سيرك قويىلىمدارى جانە ت.ب.

مۇنىمەن قوسا، «ەكسپو» كورمەسىنىڭ رەسمي اشىلۋ جانە جابىلۋ سالتاناتىن قالانىڭ ءۇش اۋدانىندا تىكەلەي ەفيردەن تاماشالاۋعا بولادى – ۇلكەن LED ەكراندار «بايتەرەك» مونۋمەنتىنىڭ الدىنداعى الاڭدا، قالالىق الاڭدا جانە ستۋدەنتتىك ساياباقتا ورناتىلادى.

استانا قالاسىنىڭ اكىمدىگى الەكساندر ماسلياكوۆتىڭ قاتىسۋىمەن كۆن-نىڭ حالىقارالىق جازعى كۋبوگى تابىستالادى.

شارالاردىڭ بارلىعى «ءبىرىنشى ارنانىڭ» ەفيرىنەن كورسەتىلەدى.

«بارىس ارەنا» ستاديونىندا وليمپيادا چەمپيونى ەۆگەنيي پليۋششەنكو مەن مانەرلەپ سىرعاناۋدىڭ باسقا دا جۇلدىزدارىنىڭ كەشى وتەدى.

قازاقستاندىق جانە شەتەلدىك ەسترادا جۇلدىزدارىنىڭ قاتىسۋىمەن مۋزىكا ونەرىنە قوسقان ۇلەسى ءۇشىن ناگرادالار تابىستاۋمەن «Astana Dausy» حالىقارالىق مۋزىكا فەستيۆالىن ۇيىمداستىرۋعا مۇرىندىق بولدى.

ەلوردادا جازدىڭ ءۇش ايىندا استانالىق، ستۋدەنتتىك، جەرۇيىق، پرەزيدەنتتىك جانە اراي ساياباقتارىندا «ساياباقتىڭ جەتى كەرەمەتى» اتتى شارا وتكىزىلەدى. 

قازاق ەرتەگىلەرىنىڭ، «سۋىق جۇرەك» ءمۋلتفيلمىنىڭ كەيىپكەرلەرىنىڭ، ورمەكشى ادامنىڭ جانە ت.ب.، سونداي-اق، ديسنەيلىك كەيىپكەرلەر مەن روبوتتاردىڭ قاتىسۋىمەن 7 تاقىرىپتىق باعدارلاما كوپشىلىك نازارىنا ۇسىنىلادى. شوۋ جۇمىس جانە دەمالىس كۇندەرى – كۇنىنە 2 رەت وتەدى.

جالپى العاندا، ساياباقتاردا بالالار مەن ەرەسەكتەرگە ارنالعان مىڭنان اسا ويىن-ساۋىق شاراسى وتەدى.

سۋلى-جاسىل جەلەك اشىق اسپان اياسىنداعى كورمە پاۆيلونىنا اينالادى. مۇندا  ءىىى Astana Art Fest حالىقارالىق فەستيۆالى ۇيىمداستىرىلادى. بۇل ەلوردا تۇرعىندارى مەن قوناقتارىنىڭ سۇيىكتى شارالارىنىڭ ءبىرى. ەكى جىلدا وعان الەمنىڭ 10 مەملەكەتىنەن 78 سۋرەتشى قاتىسقان، ال كەلۋشىلەر سانى جارتىميلليوننان استى. بيىل شاراعا الەمنىڭ 9 ەلىنەن سۋرەتشىلەر، ديزاينەرلەر، ساۋلەتشىلەر، مۋزىكانتتار مەن رەجيسسەرلەر اتسالىسادى. اتاپ ايتقاندا، قازاقستان، رەسەي، وزبەكستان، قىرعىزستان، جاپونيا، ارمەنيا، ۋكراينا، گەرمانيا جانە ت.ب.

دايىن جۇمىستار جەلەكجولعا 1 ماۋسىمنان باستاپ قويىلادى، ال فەستيۆال 10-ى كۇنى اشىلادى.

كەلۋشىلەرگە حالىقتىق سەرۋەن، مادەني-بۇقارالىق، وتباسىلىق دەمالىس، فەستيۆالدەر، كورمەلەر، تەاترلاندىىرىلعان جانە سيرك قويىلىمدارى ۇسىنىلادى. 

ولاردىڭ ءبىرى ءداستۇرلى قازاق مۋزىكاسىنىڭ «استاناعا تارتۋ» كونسەرتى. كورەرمەندەر «جەتىسۋ»، «ارقا»، «سىر» جانە «باتىس» سىندى ءداستۇرلى ءان ايتۋدىڭ ءتورت مەكتەبىنىڭ وكىلدەرىنىڭ ورىنداۋىندا قازاق حالقىنىڭ باي فولكلورىمەن تانىسادى.

بۇدان باسقا، حالىق اسپاپتارى وركەسترلەرىنىڭ «سەرپەر» فەستيۆالى، ۇرمەلى اسپاپتار وركەسترلەرىنىڭ «استانا سامالى» فەستيۆالى  وتەدى.

تەاتر اپتالىعىن ۇيىمداستىرۋ ءداستۇرى 5 جىل بۇرىن قالىپتاسقان. جىل سايىن «ساحنادان سالەم» فەستيۆالىندە قازاقستان مەن شەت مەملەكەتتەردىڭ ۇزدىك تەاتر ۇجىمدارى باس قوسادى.

مادەني-بۇقارالىق شارالار تۇرعىن الاپتارىندا دا وتەدى.

پريگورودنىي، ينتەرناسيونالنىي، ميچۋرينو، كۇيگەنجار، ءوندىرىس، جەلەزنودوروجنىي، ۇركەر، كوكتال جانە پرومىشلەننىي تۇرعىن الاپتارىنىڭ تۇرعىندارى دەمالىس كۇندەرى قازاقستاندىق ارتيستەر مەن ەلوردانىڭ شىعارماشىلىق ۇجىمداارىنىڭ قاتىسۋىمەن «دۋماندى سارىارقا» كونسەرتىن تاماشالايدى.

ادەتتەگىدەي، ەلوردا كۇنى اياسىندا استانادا قازاقستاندىق ەسترادانىڭ تانىمال ورىنداۋشىلارىنىڭ كونسەرتتەرى وتەدى. بيىل قالانىڭ كونسەرت زالدارىندا «مۋزارت»، «دەرۆيشي» توپتارىنىڭ كونسەرتتەرى، سەكەن تۇرىسبەكتىڭ جانە التىنبەك قورازبايەۆتىڭ شىعارماشىلىق كەشتەرى ۇيىمداستىرىلادى.

بارلىق كونسەرتتەرگە بيلەتتەر قالانىڭ كاسسالارىندا جانە www.koncertyastany.kz سايتىندا ساتىلادى. 

ويىن-ساۋىق باعدارلامالارى مەن كونسەرتتەردىڭ 70 پايىزى اشىق الاڭداردا وتەدى.

سونىمەن قاتار، جازدا «استانا جۇلدىزى» ۇلتتىق كاسىبي مۋزىكالىق سىيلىعىن تابىستاۋ سالتاناتى وتەدى. شاراعا وتاندىق ەسترادانىڭ تانىمال وكىلدەرى قاتىسادى، جانە «ۇزدىك جىل ورىنداۋشىسى» انىقتالادى.

23 جانە 24 ماۋسىمدا «بايتەرەك» مونۋمەنتىنىڭ الدىنداعى الاڭدا «The Spirit of Astana» قازىرگى زامانعى ەتنيكالىق مۋزىكا فەستيۆالى وتەدى. ساحنا تورىندە افريكا، اقش، ماكەدونيا، گرۋزيا، ۆەنگريا، رەسەي، قازاقستان، باشقۇرتستان، بۋرياتيا جانە تۋۆا مەملەكەتتەرىنىڭ مۋحىكالىق ۇجىمدارى ءوز ونەرلەرىن ورتاعا سالادى.

15 شىلدەدە يتالياندىق مۋزىكا سۇيەر قاۋىم «زۆەزدى سان-رەمو ۆ استانە» فەستيۆالىن تاماشالايدى.

وتباسىلىق دەمالىسقا ارنالعان شارالاردىڭ ءبىرى «ازيا جاڭعىرىعى» X حالىقارالىق سيرك ونەرى فەستيۆالى.

سونىمەن قاتار، جاستارعا ارنالعان «Energy Party» ەلەكتروندى مۋزىكا فەستيۆالى جانە «International Street dance Session in Astana» كوشە ءبيى فەستيۆالى وتەدى.

30 ماۋسىمنان 2 قىركۇيەككە دەيىن ءار دەمالىس سايىن «بايتەرەك» مونۋمەنتىنىڭ الدىنداعى الاڭدا، قالالىق الاڭدا جانە ستۋدەنتتىك ساياباقتا اشىق اسپان اياياسىندا «ەسىل كەشتەرى» كونسەرتتەرى ۇيىمداستىرىلادى.

بۇدان باسقا، حالىقارالىق كورمە بارىسىندا Astana Game Fest العاشقى گەيمەرلەر فەستيۆالى وتەدى. شارا اياسىندا كومپيۋتەرلىك ويىندار بويىنشا حالىقارالىق جارىستار، روبوتوتەحنيكادان شەبەرلىك سىنىپتارى، جاڭا ويىنداردىڭ پرەزەنتاسيالارى، دروندار شوۋۋى جانە ت.ب. ۇيىمداستىرىلادى.

«ەكسپو» حالىقارالىق كورمەسى كەزىندە وتەتىن شارالار باعدارلاماسىنا  سپورتتىق جارىستار دا ەنگىزىلدى. 

مامىر ايىنىڭ ورتاسىنان باستاپ جەكسەنبى كۇندەرى استانالىق، جەرۇيىق جانە ستۋدەنتىك ساياباقتاردا Astana Fitness Park شاراسى وتەدى. ونىڭ بارىسىندا كاسىپقوي باپكەرلەردىڭ جەتەكشىلىگىمەن كروسسفيت، يوگا، زۋمبا جانە ت.ب. بويىنشا جاتتىعۋ جاساۋعا قاتىسۋعا بولادى. 

25 ماۋسىمدا استانادا دۋاتلوننان ءۇشىنشى رەت قالالىق تۋرنير وتكىزىلەدى. وعان 18 جاستان اسقان ازاماتتار قاتىسا الادى.

ايتا كەتەيىك، استانادا «ەكسپو» حالىقارالىق كورمەسى بارىسىندا وتكىزىلەتىن شارالار تۋرالى تولىق اقپارات كەستەمەن بىرگە www.astanaday.kz سايتىندا جاريالانادى.