امار ستوۆەر 8 جاسار بالا،  الابا شتاتىنىڭ تۇرعىنى. كىشكەنە كەزىنەن ءبىر كوزى كورمەي قالعان.  كوزىندە ىسىك پايدا بولىپ، تىنىس الا الماي تەك ترۋبكا ارقىلى دەم الادى.  بۇل تۋرالى قامشى اقپاراتتىق اگەنتتىگى حابارلايدى. بەتىندەگى ۇلكەن ىسىكتىڭ كەسىرىنەن تولىققاندى ءومىر سۇرە المايدى. قاتىگەز سىنىپتاستارى اماردى قۇبىجىق دەيدى ەكەن. ال كەيبىرەۋلەرى: "امار بەتىڭدەگى بەتپەردەڭدى شەش"- دەپ ايتاتىن كورىنەدى. بالا نەيروفيبروماتوز دەرتىنە شالدىققان. وسى دەرت كەسىرىنەن ونىڭ دەنەسىنە ىسىك قاپتاپ كەتكەن. 

      ۋاقىت ءوتىپ، اماردىڭ جاسى ۇلعايعان سايىن ونىڭ ىسىگى دە ۇلكەيىپ كەلەدى.  ول دالاعا شىققاندا سىنىپتاستارى، قۇرداستارى ودان قورقادى، ءتىپتى قاراي المايدى.  اماردىڭ جانىنا باتاتىن ەڭ قيىن نارسە، وزگەلەردىڭ ودان: «مۇنداي قورقىنىشتى بەتپەردەنى قايدان الدىڭ؟» دەۋى.

قازىرگى ۋاقىتتا اماردىڭ اناسى پلاستيكالىق حيرۋرگتارمەن كەلىسسوزدەر جۇرگىزىپ، بالانىڭ بەتىندەگى ىسىكتى ەمدەۋگە، كوز جانارىن ەمدەۋگە، تولىققاندى ءومىر سۇرۋگە مۇمكىندىك بەرەتىن بارلىق جاعدايدى جاساۋعا تىرىسۋدا. الايدا اماردىڭ اناسى كانديس- جالعىز باستى ايەل. ول عالامتور ارقىلى قاراجات جيناپ، ءۇيىن ساتۋدا.

دارىگەرلەردىڭ ايتۋى بويىنشا بۇل دەرت 2500 ادامدا ءبىر رەت قانا كەزدەسەدى ەكەن.