ەلىمىزگە تانىمال مەگاجۇلدىز، بىرنەشە وتاندىق كينولاردىڭ رەجيسسەرى جانە دە جالپى جۇرتشىلىققا "كەلىنكا سابينا" اتىمەن تانىلعان اكتەر نۇرتاس ادامباي بىرنەشە جىگىتتەردى قاسىنا ەرتىپ كوشەدەگى كولىك جۇرگىزۋشىلەرىنە كوك تۋ تۇتەس "جەڭىس لەنتاسىن" تاراتتى، دەپ حابارلايدى قامشى اقپاراتتىق اگەنتتىگى.
"قازاقستان - بۇل مەن!" اتتى وزىندىك اكسياسىن باستاعان اكتەر كوشەدەگى كولىكتەردىڭ كوپشىلىگىنە "جەڭىس لەنتاسىن" تاراتىپ، "ءبىز قازاقستان ءۇشىن، قازاقستان جاساسىن" دەپ ۇراندادى.
قاسىنا ەرگەن ءبىر توپ جىگىتتەرمەن بىرگە كولىك جۇرگىزۋشىلەرىنىڭ قولىنا لەنتانى ۇستاتىپ، "كولىگىڭىزگە مىندەتتى تۇردە ءىلىپ قويىڭىز، قازاقستان جاساسىن" دەيدى.
سونداي-اق، ول الەۋمەتتىك جەلىدە باسقا قالالاردىڭ اكىمدەرىن استانادان ۇلگى الۋعا شاقىردى.
ەستەرىڭىزگە سالا كەتسەك، ءار جىلى جەڭىس كۇنى جاقىنداعان شاقتا سارى الا تۇستەس "گەورگيي" لەنتاسى قوعامدا كەڭىنەن تارالىپ، بۇكىل جەردە ءىلىنىپ تۇراتىن. الايدا بيىل قازاق ەلى بۇل الا لەنتاعا قارسىلىق ءبىلدىرىپ، ءوزىمىزدىڭ تۋىمىز سەكىلدى كوك تۇستەس لەنتانى تاعۋىمىز قاجەت دەگەن شەشىم قابىلدانعان بولاتىن.
