بۇگىنگى تاڭدا قىزداردىڭ سۇندەتتەلۋى جەر شارىنداعى 30 شاقتى ەلدە تارالعان، اسىرەسە، تاياۋ شىعىس پەن افريكا ەلدەرىندە. قىزداردى سۇندەتكە جاتقىزاتىن دارىگەرلەر مۇنىڭ سەبەبىن تۇرلىشە تۇسىندىرەدى، ءبىرى ءدىني تۇرعىدان ايتسا، ەندى بىرەۋى مۇنى جاتىردىڭ قاتەرلى ىسىككە شالدىعۋىنىڭ الدىن الادى دەيدى. الايدا قىز-بالالاردىڭ ءومىرىن قاتەرگە تىگە وتىرىپ، مۇنداي قادامعا بارۋدىڭ ناقتى سەبەبىن ەشكىم ءدوپ باسىپ ايتا المايدى. قىزدار سۇندەتتەلگەننەن كەيىن وتە ۇزاق ۋاقىتتا قالىپقا كەلەدى. كەي جاعدايلاردا مۇنىڭ سالدارىنان قاتتى قان كەتۋى نەمەسە بەدەۋلىككە ۇشىراتۋى ابدەن مۇمكىن، ءتىپتى، كەيدە وتە قايعىلى جاعدايمەن اياقتالاتىن كەزدەر دە بولادى، دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ.

مۇحامەد (س.ع.س.) تۋعان كۇنىنە وراي دجاكارتاداعى 284 وتباسىنداعى قىزداردىڭ بارلىعى سۇندەتتەلۋ ءۇشىن بارلىق ماتەريالدى رەسۋرستاردى العان. بىرنەشە فوتوكونكۋرستاردىڭ جەڭىمپازى ستەفاني سينكلەر بۇل ءىس-شاراعا دا قاتىسىپ، ءتۇرلى جان تۇرشىگەرلىك فوتوسۋرەتتەر تۇسىرگەن.

9 ايلىق قىز سۇندەتتەلۋ ءۇشىن ءوز كەزەگىن كۇتۋدە

اقشا العان 284 وتباسىنىڭ قىزدارى ۇلكەن بولمەدە جينالىپ، ءراسىمنىڭ باستالۋىنا دەيىن الدىمەن دۇعا جاساۋدا.

قىزداردىڭ ءبىرىن سۇندەتتەۋگە دايىنداپ جاتىر

قىزداردى سۇندەتتەۋ ءراسىمى ازيا ەلدەرىنىڭ ءبىرشاماسىندا كەڭىنەن تاراعان، مىسالى فيليپپين، مالايزيا جانە يندونەزيا. سونىمەن قاتار ءباا، وڭتۇستىك يەمەن، ومان جانە باحرەين ەلدەرىندە تاجىريبەدەن وتكىزۋدە. ال لاتىن امەريكاسىنىڭ برازيليا، شىعىس مەكسيكا جانە پەرۋ ەلدەرىندە قفزداردى سۇندەتكە وتىرعىزادى ەكەن.

اۋدارعان: نازەركە لابيحان