ەممانۋەل ماكروننىڭ فرانسيانىڭ پرەزيدەنتى بولاتىنى ەشكىمگە قۇپيا ەمەس. وسىعان دەيىن ماكروننىڭ جەكە ءومىرى بارلىعىنا قىزىق بولىپ كەلدى. ول جەكە ءومىرىن جاسىرىپ قالعىسى كەلمەدى. ول وزىنەن 24 جاس ۇلكەن ايەلگە ۇيلەنگەن دەپ جازادى قامشى اقپاراتتىق اگەنتتىگى.

1993 جىلى 17 مامىر كۇنى ماكرون مەكتەپ كەزىندەگى قويىلىمنان كەيىن، وسى قويىلىمعا كومەكتەسكەن ءوزىنىڭ ءمۇعالىمى بريجيت ترونەنىڭ بەتىنەن ءسۇيىپ العان.

ول كەزدە بريجيت ترونەنىڭ كۇيەۋى مەن 3 بالاسى بولعان. ماكرون وزىنەن 24 جاس ۇلكەندىگىنە قاراماستان ءوز مۇعالىمىنە ولەردەي عاشىق بولعان.

ولار ەرەكشە قارىم-قاتىناس وزگەلەر ۇيرەنىسكەننەن كەيىن، اراعا 14 جىل سالىپ بارىپ ۇيلەنگەن. ءبىراز ۋاقىت بۇرىن ەممانۋەل ماكرون تۋرالى كىتاپ جارىققا شىققان ەدى. بۇل كىتاپتىڭ اۆتورى ەنن فۋلدا اتتى جۋرناليست قىز ماكروننىڭ ءومىرى تۋرالى ءبىراز مالىمەت جازعان.

ماركوننىڭ وتباسى بالاسىنىڭ كىمگە عاشىق بولعاندىعىن العاشىندا بىلمەگەنگە ۇقسايدى. ولار باسىندا ماكرون ءوزىنىڭ سىنىپتاسى لوۋرەنس وزيەرگە، ترونەنىڭ تۋعان قىزىنا عاشىق بولدى دەپ ويلاپ جۇرگەن. وكىنىشتەرىنە وراي، ولار قاتەلەستى. 16 جاستاعى ءجاسوسپىرىم ءوزىنىڭ 40 جاستاعى مۇعالىمىنە عاشىق بولعاندىعىن اتا-اناسى كەيىن بىلگەن.

«ولار تويدىڭ بولماۋى ءۇشىن قولىمىزدان كەلگەننىڭ ءبارىن جاسايمىز دەگەن ەدى»،- دەپ ايتقان  ماكرون ءوزى تۋرالى جازىلعان كىتاپتا. «بۇل جاعداي مەنىڭ ومىرىمدە قايتالانسا مەن نە ىستەيتىنىمدى دە بىلمەيتىن ەدىم»،- دەپ تە ايتتى ول. سول كەزدە ماكروننىڭ اكە-شەشەسى بريجيتكە بارىپ، بالاسىنان 18 جاسقا تولعانعا دەيىن اۋلاق ءجۇرۋىن وتىنگەن. ال الگى ايەل «مەن بۇل تۋرالى ۋادە بەرە المايمىن»،-دەپ جاۋاپ بەرىپتى.

سول كەزدە ماكروننىڭ اناسى: «سەن بۇنى ءتۇسىنىپ تە تۇرعان جوقسىن، ءبىراق سەنىڭ ءوز ءومىرىڭ بار. ال ول سەنىمەن بىرگە بولىپ، بالا سۇيە المايدى»،- دەگەن. وسى وقيعادان كەيىن ماكرون ءوز باقىتىن ىزدەۋ ءۇشىن پاريجگە كەتىپ بارا جاتىپ، مۇعالىمىنە «مەن قايتا ورالعان سوڭ، ساعان ۇيلەنەمىن»،- دەپ ۋادە بەرگەن.

ءوزىنىڭ تۋعان جەرى امەنگە 2 جىلدان كەيىن قايتا ورالادى. سوسىن اناسىنا: «مەن ءالى كۇنگە دەيى ءبريجيتتى سۇيەمىن. مەنى ەشتەڭە دە توقتاتا المايتىندىعىن تۇسىنگەندەرىڭىزدى قالايمىن»،- دەپ شىنىن ايتتى. ءبىراز ۋاقىتتان كەيىن ماكروننىڭ اتا-اناسى بۇل شەشىمگە كونۋگە ءماجبۇر بولادى.

ءقازىر 64 جاستاعى ماكروننىڭ ايەلى 7 نەمەرە ءسۇيىپ وتىر. ال ماكروننىڭ ءوز بالاسى جوق. ءبىراق ول ءوز ايەلىنىڭ نەمەرەلەرىنە باعۋ ارقىلى راحات الادى ەكەن.  

دايىنداعان: اسەل وتەشوۆا