كەيدە ءوز الەمىمىزدە، ەلىمىزدە بولىپ جاتقان جاڭالىقتاردى وقىپ، زامان وزگەردى مە، الدە ادام با دەپ كۇرسىنەتىن كەزدەرىمىز بولادى. ءبىراق جەر عالامشارىن مەكەن ەتكەن ادامداردىڭ بارلىعىن بىردەي جاماندىققا قيا المايسىڭ. ءيا، الەمدە جاقسىلىقتى ەسىمىزگە ءتۇسىرىپ، تاۋبەمىزگە كەلتىرىپ تۇراتىن ادامدار بارشىلىق. ولاردىڭ ىس-ارەكەتتەرىن كورىپ، وزىڭە قارايسىڭ. ول مەنىڭ دە قولىمنان كەلەتىن دۇنيە عوي دەيسىڭ. اتتەڭ، ءبىراق قولىڭنان كەلەتىن ءىستى جۇرەگىڭنىڭ ىستەۋگە ىنتىزار بولماي تۇرعانى وكىنىشتى-اق. بارلىق ماسەلەلەردى ايتىپ، قوعام وزگەردى دەپ وتىرىك كۇرسىنگەنشە، سول ماسەلەنى شەشۋگە ءوز ۇلەسىمىزدى قوسقاندا الەم مۇلدەم باسقاشا بولاتىن ەدى

ۇلگى الارلىق ازاماتتىڭ ءبىرى ۆەتنامدىق تونگ فۋوك فۋكا. ول بۇكىل الەمدى تاڭقالدىردى. قامشى اقپاراتتىق اگەنتتىگى ونىڭ كوپكە ۇلگى بولعان ءىسىن ءوز وقىرماندارىنا ۇسىنادى. ۆەتنامدىق ەر ادام جاساندى تۇسىكتەن كەيىن بالالاردى قۇپيا تۇردە ساقتاپ جۇرگەن.  

ونىڭ ايەلى 2001 جىلى اياعى اۋىر بولىپ العاش رەت ايەلدەر كلينيكاسىنا جاتادى. ول سول جەرگە كىرگەن ەكىقابات ايەلدەردىڭ بارلىعىن باقىلاپ وتىرعان. ولار ءبىراز ۋاقىتتان كەيىن كابينەتتەن كوزدەرىنە  جاس الىپ شىعادى.  ۆەتنامدىق ەركەك سول كەزدەن باستاپ  جاساندى تۇسىك جاساتۋمەن كۇرەسپەكشى بولادى. ولار قالاي ءوز تۋعان بالاسىن ولىمگە قيادى دەپ ۇزاق ويلانادى.

تونگ العاشىندا كلينيكانىڭ قاسىنداعى جەردى ساتىپ الۋ ءۇشىن اقشا جينادى. ول  جاساندى تۇسىك جاسالعان سابيلەردى سول جەرگە ساقتاۋعا شەشىم قابىلداپ، رۇقسات الىپ بولعاننان كەيىن، بىردەن ىسكە كىرىسەدى. ول زيراتتاردى كورگەن ايەلدەر جاساندى تۇسىك جاساتۋدى دوعاراتىن شىعار دەپ ويلاپتى. ءبىراز ۋاقىتتان كەيىن تونگكە «بالامىزدى باعا المايمىز، وعان قاراجاتىمىز جەتپەيدى»،-دەپ  انالار كەلە باستادى. سول كەزدە ول بۇرىن-سوڭدى ويلاماعان شەشىم قابىلدايدى.

تونگ بالالاردى ءوز قامقورلىعىنا الۋعا كەلىسىم بەرەدى. زيراتتاردىڭ قاسىنان ول تاعى دا جەر الىپ، ءۇي تۇرعىزادى. بۇل ءۇي 100-دەن استام بالالارعا پانا بولدى..

بالالاردى شاتاستىرىپ الماس ءۇشىن ولارعا لاقاپ ات قويادى. مىسالى، تام – «جۇرەك»، ۆين – «ابىروي»، تاعى باسقا.

بالالار ءوز اناسىنىڭ جانە قۇتقارۋشىسىنىڭ تەگىمەن يەلەنەدى. تونگ بالالاردىڭ تۋعان اتا-اناسىنىڭ ماتەريالدىق جاعدايى جاقسارعان كەزدە ولاردى تۋعان  وتباسىنا تابىستايدى ەكەن. 

اۋدارعان: اسەل وتەشوۆا