(فوتو: Kazinform)
ق ر ۇلتتىق قاۋىپسىزدىك قىزمەتى ءتوراعاسىنىڭ ءبىرىنشى ورىنباسارى سامات ابىشكە «ۇلتتىق قاۋىپسىزدىكتىڭ گەنەرال-لەيتەنانتى» ارنايى شەنىن پرەزيدەنت ءوز قولىمەن تاپسىردى دەپ حابارلايدى قامشى اقپاراتتىق اگەنتتىگى.
اقوردادا مەملەكەت باسشىسى ءارى قازاقستان قارۋلى كۇشتەرىنىڭ باس قولباسشىسى نازاربايەۆتىڭ قاتىسۋىمەن بۇگىن تاريحي مەرەيتويلار تۇسىندا جىل سايىنعى ۇردىسكە اينالعان اسكەري قىزمەتكەرلەردى ماراپاتتاۋ ءراسىمى بولىپ وتكەنى تۋرالى حابارلاعان ەدىك.
2015 جىلى جەلتوقساننىڭ اياعىندا ەلباسى جارلىعىمەن سامات ساتىبالدى ۇلى ءابىش قازاقستان رەسپۋبليكاسى ۇقك ءتوراعاسىنىڭ ءبىرىنشى ورىنباسارى بولىپ تاعايىندالعان بولاتىن.
سامات ساتىبالدى ۇلى ءابىش 1978 جىلى 20 تامىزدا الماتى وبلىسىندا تۋعان. قازاق.
اكەسى - نازاربايەۆ ساتىبالدى ءابىش ۇلى. اناسى - نازاربايەۆا سۆەتلانا مىرزاحمەت قىزى، «ءداۋىر» باسپاسىنىڭ جەتەكشىسى.
ق ر ۇقك اكادەمياسىن (2000)؛ رف سبق اكادەمياسىن (2002) بىتىرگەن.
قازاق، ورىس جانە نەمىس تىلدەرىن بىلەدى.
2000 جىلدان - ق ر ۇقك ورگاندارىندا قىزمەت اتقارعان. 2006 جىلدىڭ ماۋسىم ايىنان - ق ر ادىلەت مينيسترلىگى قىلمىستىق-ۇدەرىستىك جانە قىلمىستىق-اتقارۋ زاڭناماسى باسقارماسىنىڭ قىلمىستىق-اتقارۋ زاڭناماسى ءبولىمىنىڭ باستىعى، 2006 جىلدىڭ قىركۇيەك ايىنان - ق ر ادىلەت مينيسترلىگى تىركەۋ قىزمەتى كوميتەتى ءتوراعاسىنىڭ ورىنباسارى، 2007 جىلدان – ءتوراعاسى، 2008 جىلدىڭ قازان ايىنان - ق ر ادىلەت مينيسترلىگىنىڭ جاۋاپتى حاتشىسى، 2010 جىلدان بەرى - ق ر ۇلتتىق قاۋىپسىزدىك كوميتەتى ورتالىق اپپاراتى ماماندار دەپارتامەنتىنىڭ باستىعى، 2011 جىلدىڭ قاراشاسىنان استانا قالاسى بويىنشا ۇقك دەپارتامەنتىنىڭ باستىعى، 2013 جىلدىڭ ناۋرىزىنان باستاپ ۇقك ءتوراعاسىنىڭ ورىنباسارى لاۋازىمدارىن اتقارعان.
«ەرەن ەڭبەگى ءۇشىن» (2007)، «استانانىڭ 10 جىلدىعى» (2008) مەدالدارىمەن ماراپاتتالعان.
ايتا كەتەر بولساق، سامات ءابىشتىڭ باۋىرى قايرات ساتىبالدى ۇلتتىق قاۋىپسىزدىكتىڭ گەنەرال-مايورى اسكەري شەنىن العان. گەنەرال-مايور، گەنەرال-لەيتنانت، گەنەرال-پولكوۆنيك ساتىلى جوعارى وفيسەرلىك شەن بولىپ تابىلادى.
