فرانسيادا ءسان كورسەتىلىمىندە جانە جارنامالىق روليكتەردە ارىق ارۋلاردى كورسەتۋگە قارسى زاڭ قابىلداندى دەپ حابارلايدى قامشى اقپاراتتىق اگەنتتىگى  ۆۆس-گە سىلتەمە جاساپ.

فرانسيا دەنساۋلىق ساقتاۋ ءمينيسترى ماريسول تۋرەن اتالعان زاڭ ايەل ادامداردىڭ، اسىرەسە بويجەتكەندەردىڭ دەنساۋلىعىن جاقسارتۋ ماقساتىندا قابىلدانعانىن ايتتى.  ءمينيستردىڭ ايتۋى بويىنشا، سۇلۋلارعا ەلىكتەگەن تۇرعىندار كوگىلدىر ەكراننان كورسەتىلەتىن قىز، كەلىنشەكتەرگە  ۇقساۋ ءۇشىن وزدەرىن قينايدى، ناتيجەسىندە كوپ سالماق تاستالادى. بۇل ولاردىڭ دەنساۋلىعىنا كەرى اسەرىن تيگىزەتىنى انىق. ەندى، سانبيكەلەرگە  ارنالعان تالاپتار دا وزگەرتىلدى، ولار دەنساۋىلىعىندا كىنارات جوقتىعى تۋرالى انىقتاماسىز جۇمىسقا قابىلدانبايتىن بولدى.

وسى جىلدىڭ 1-قازانىنان باستاپ، فوتوگرافتار مەن فوتومودەلدەرگە ارنالعان زاڭ كۇشىنە ەنبەكشى. زاڭ بويىنشا، كەز-كەلگەن كومپيۋتەردىڭ كومەگىمەن وزگەرىسكە ۇشىراعان سۋرەتتەردىڭ «سۋرەت وزگەرىسكە ۇشىراعان» دەگەن بەلگىسى بولۋى ءتيىس.

ارىق سانبيكەلەرگە قارسى زاڭ يتاليا، يسپانيا جانە يزرايلدە دە بار.  دارىگەرلەردىڭ مالىمدەۋىنشە، فرانسيادا 30 مىڭ تۇرعىن انورەكسيا (قۋسۇيەك) اۋرۋىنا شالدىققان، ونىڭ 90 پايىزى نازىك جاندىلار. 

اۋدارعان: الينا بولاتبەك