قازاقستان پرەزيدەنتى نۇرسۇلتان نازاربايەۆ ە.ماكروندى فرانسيا رەسپۋبليكاسىنىڭ پرەزيدەنتى سايلاۋىنداعى جەڭىسىمەن شىن جۇرەكتەن قۇتتىقتادى دەپ حابارلايدى قامشى اقپاراتتىق اگەنتتىگى ەلباسىنىڭ باسپا ءسوز قىزمەتىنە سىلتەمە جاساپ.

«فرانسيا حالقى سىزگە داۋىس بەرۋ ارقىلى ءوزىڭىز جاريالاعان، ەلدىڭ قارقىندى دامۋىنا باعىتتالعان وزگەرىستەردى قولدايتىنىن كورسەتتى. ءسىزدىڭ باسشىلىعىڭىزبەن فرانسيا وركەندەۋ جولىندا جاڭا تاماشا تابىستارعا قول جەتكىزەتىنىنە كامىل سەنەمىن»، – دەلىنگەن جەدەلحاتتا.

مەملەكەت باسشىسى بيىل قازاقستان مەن فرانسيا اراسىنداعى ديپلوماتيالىق قارىم-قاتىناستىڭ ورناعانىنا 25 جىل تولاتىنىن اتاپ ءوتتى.

«ءوزارا ءىس-قيمىلىمىز ورىستەپ، ستراتەگيالىق ارىپتەستىك دەڭگەيىنە كوتەرىلگەنىن ماقتان تۇتامىز. سىزبەن جانە فرانسيا ۇكىمەتىمەن ورتاق مۇددەلى ماسەلەلەر جونىندە جاڭاشىلدىق پەن تالپىنىس رۋحىندا بىرگە جۇمىس باستاۋعا دايىنبىز. جان-جاقتى ىقپالداستىعىمىز حالىقتارىمىزدىڭ يگىلىگى ءۇشىن ودان ءارى نىعايا بەرەدى دەپ ۇمىتتەنەمىن»، – دەلىنگەن جەدەلحاتتا.

سوڭىندا نۇرسۇلتان نازاربايەۆ فرانسيا كوشباسشىسىنىڭ باستامالارىنا ساتتىلىك، ال فرانسۋز حالقىنا باق-بەرەكە تىلەدى.

دايىنداعان: ارافات دەربەس ۇلى