اقش-تىڭ بۇرىنعى پرەزيدەنتى بيلل كلينتون بۇعان دەيىن بەستەسەللەرگە اينالعان بىرنەشە كىتاپتىڭ اۆتورى، تانىمال جازۋشى دجەيمس پاتتەرسونمەن بىرگە The President Is Missing اتتى ساياسي رومان جازىپ جاتىر. كلينتون مەن پاتتەرسوننىڭ بىرلەسكەن شىعارماسى 2018 جىلى ماۋسىمدا جارىق كورمەك. بۇل جونىندە ازاتتىق جازادى.

«پرەزيدەنت كلينتونمەن بىرگە سەرىكتەس بولۋ – كارەرامنىڭ ەڭ شىرقاۋ شىڭى... مەن اڭگىمە ايتۋشىمىن، ال پرەزيدەنت كلينتوننىڭ قوسقان ۇلەسى بىزگە شىن مانىندە قىزىقتى تاريحتى بايانداۋعا مۇمكىندىك بەردى» دەگەن پاتتەرسون.

كىتاپتى باسىپ شىعارۋ قۇقىعىنا يە بولعان ەكى باسپا ءۇيىنىڭ مالىمدەۋىنشە، بۇل «بيلىكتىڭ ەڭ جوعارعى ساتىسىنداعى، ەگجەي-تەگجەيى تەك پرەزيدەنتتەرگە عانا ءمالىم ساياسي شيەلەنىس پەن استىرتىن تارتىس جايىن باياندايتىن شىعارما» بولماق.

«پرەزيدەنت قىزمەتى مەن اق ۇيدەگى ءومىر جايلى، ۆاشينگتوندا قىزمەتتىڭ قالاي اتقارىلاتىنى تۋرالى بىلىمىمە نەگىزدەلگەن كىتاپ جازۋ – ۇلكەن عانيبەت» دەيدى اقش پرەزيدەنتى بولىپ ەكى مارتە سايلانعان بيلل كلينتون.

شولۋشى: گۇلىم جاقان