ءانشى قاينار قاتپايدىڭ جاڭا بەينەبايانى شىقتى دەپ حابارلايدى قامشى اقپاراتتىق اگەنتتىگى. ءانشىنىڭ بۇعان دەيىن «استانا ارۋى» اتتى بەينەبايانى تىڭدارمانعا جول تارتقان.

بەينەبايان تۇسىرىلگەن ءاننىڭ تۇساۋى وتكەن جىلى قازان ايىندا كەسىلگەن بولاتىن. 

ساعىنىپ، سارىلىپ، جولىڭا قارايلادىم،

الدامشى جالعاندا بارمىسىڭ ارايلى ءانىم؟

جانىمدى گۇلگە بولەپ، ساعىنسا ءبىر كەلەر دەپ،

ءوتتى عوي زارىعىپ سان جىلدار، سان ايلارىم.

قايىرماسى:

كوكتەمنەن سۇرادىم كوگىلدىر ماحابباتتان،

جازدان دا سۇرادىم ءموپ-مولدىر جانار اق تاڭ.

ايتپادى ءبارى دە، ايتپادى ماڭگىگە،

تەك مەنىڭ ساعىنىشىم قالادى ارتتا.

ماۋسىمدار الماسىپ، جالعاسىپ تاڭدار ۇزاق،

الىستاپ بارادى، قالادى ارمان جىراق.

ەلىتىپ بوتەن كۇيگە، ءوزىڭسىز وتەر دۇنيە،

كەرۋەندەي بۇيداسىز بەتپاقتا قالعان شىراق.

قايىرماسى:

كۇزدەن دە سۇرادىم سارعايعان ساعىنىشتان،

قىستان دا سۇرادىم ماڭدايدان ءزارى قىسقان.

ايتپادى ءبارى دە، ايتپادى ماڭگىگە،

اسپايتىن ءومىر ەكەن جازمىشتان.

قاينار قاتپاي 1988-جىلى، 2-اقپاندا قحر، ىلە قازاق وبلىسى، تەكەس اۋدانى، «شيلىوزەك» اۋىلىندا دۇنيەگە كەلگەن. 2007-2009 جىلدارى «جاڭا اۋەن» كونسەرتتىك سەرىكتەستىگىنىڭ ءانشىسى. جۇڭگو حالىق رەسپۋبليكاسىنا تانىمال «گاككۋ» توبىنىڭ مۇشەسى. 2009-جىلى قىركۇيەكتە الماتى قالاسىنداعى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ «ءداستۇرلى ءان» ماماندىعى بويىنشا، قازاقستاننىڭ ەڭبەك سىڭىرگەن ءارتىسى، ءداستۇرلى ءانشى ، رامازان ستامعازييەۆ پەن تۇڭعىش پرەزيدەنت ستپەندياسىنىڭ يەگەرى ەرلان رىسقاليدان ساباق العان.

2014-جىلى حالقارالىق دالا داۋسى فەستيۆلنىڭ جەڭىمپازى. 20-عا تارتا ءاننىڭ ، «بۇلدىرگەن قىز» اتتى ءان جيناعىنىڭ اۆتورى. ت. مولداعالييەۆتىڭ سوزىنە جازىلعان «سۇيەدى ەكەم » اتتى ءانى، قازاقستان رەسپۋبليكاسىنىڭ ەڭبەك سىڭىرگەن ءارتيسى د. تاڭاتاروۆتىڭ ءان قورجىنىنا ەندى. باسقادا ونەر جۇلدىزدارىمەن شىعارماشىلىق بايلانىستا. ءقازىر استانا قالاسىندا، قازاق راديوسىنىڭ قىزىمەتكەرى.