بۇل 80 جاستاعى يراندىق قاريانىڭ ەسىمى امۋ حادجي. ول 20 جاسىنان باستاپ جۋىنباعان دەپ جازادى قامشى اقپاراتتىق اگەنتتىگى شەتەلدىك باق-قا سىلتەمە جاساي وتىرىپ. ونىڭ سەبەبى دە بەلگىسىز.  20 جاسىنا دەيىن ۇستىنە ءاتىر سەۋىپ، تازا ءجۇرۋدى ۇناتقان. الايدا بەلگىسىز سەبەپتەرمەن جۋىنباي ءجۇرۋدى ادەتكە اينالدىرعان. ول ەشقانداي پسيحيكالىق اۋرۋعا شالدىقپاعان ەكەن. سونىمەن بىرگە وسى 60 جىلدىڭ ىشىندە ەشقانداي مەديسينالىق كومەككە جۇگىنبەگەن. ول ءوزىنىڭ وسى ومىرىنە قاناعاتتانادى ەكەن. ەشكىمگە تاۋەلدى ەمەس، ومىردە ەشقانداي ماقساتى جوق. وعان وسى ىڭعايلى. ول قينالعان كەزدە تەزىرەك ۇيىقتاپ قالادى ەكەن. 

ونىڭ دەنەسى مەن بەت-الپەتى قۇبىجىققا ۇقساپ قالعان. تەرىسى دە اام شوشىرلىق كۇيگە ەنگەن. يراندىق قاريانىڭ مۇسىلمان بولۋى دا وزگەلەردى تاڭقالدىرىپ وتىر.

سونىمەن بىرگە ول ءوز قولىمەن تەمەكى جاساپ، شەگەدى.  ءبىر  ۋاقىتتا ءبىر ەمەس بىرنەشە تەمەكىنى بىرگە تۇتاتىپ، شەگەدى ەكەن. تۇرعىندار ونى كەيدە اياپ تاماق الىپ كەلەدى، ولاردىڭ ايتۋىنشا، تاماق تالعامايدى، بەرگەن تاماقتىڭ بارلىعىن جەي بەرەدى ەكەن. ونىڭ نە سەبەپتى وسىنداي كۇيگە دۋشار بولعانىن تۇرعىندار دا بىلمەي وتىر. ونىڭ دەنەسىنە 60 جىل بويى سۋ تيمەگەن. وسىعان قاراپ ونىڭ سۋمەن بايلانىستى ءبىر اۋىر وقيعاسى بولعان با دەرلسىڭ. سەبەبى ادام تەكتەن تەككە وسىنداي كۇيگە ۇشىراي قويمايدى. 

كەيبىر تۇرعىنداردىڭ پىكىرىنشە، بۇل ادام تۋرالى فيلم تۇسىرۋگە دە بولادى ەكەن. سەبەبى ونىڭ ءومىرى وزگەلەرگە ۇقساامايدى، ەرەكشە. امۋ حادجي ءومىرى وزگەلەردى قىزىقتىرا الاتىنىنا دا سەنىمدى. جەرگىلىكتى تۇرعىندار ونىڭ ەسىن جيىپ، قايتادان بۇرىنعى قالپىنا كەلگەنىن قالايدى.

شولۋشى: اسەل وتەشوۆا