كيروۆتىڭ ءجۋرناليستى ءالونا ءوزىنىڭ جارتى جىلدا جۇڭگو ەلىندە قالاي ءومىر سۇرگەنى تۋرالى ايتىپ بەردى دەپ جازادى قامشى اقپاراتتىق اگەنتتىگى.
مەن كيروۆ قالاسىندا دۇنيەگە كەلدىم. مەكتەپ بىتىرگەننەن كەيىن جۋرناليستيكا فاكۋلتەتىنە تۇسۋگە ماسكەۋ قالاسىنا باردىم. ۋنيۆەرسيتەتتە وقىپ جۇرگەنىمدە ءوز ماماندىعىم بويىنشا جۇمىس ىستەپ ءجۇردىم، ءبىراق ءوز جۇمىسىم وزىمە ۇنامادى. ءبىر كۇنى امەريكاعا وقۋعا گرانت ءبولىندى، وكىنىشكە وراي گرانتتى قايتارىپ الدى. سودان ءبىر ەلگە وقۋعا بارامىن دەپ شەشىم قابىلدادىم. جۇڭگو ەلىنە جولىم ءتۇسىپ باراتىن بولدىم.
ەڭ ءبىرىنشى پەكين قالاسىندا بولدىم. پەكيندە جۇرگەنىمدە جۇڭگو تىلىندە سويلەي المادىم، ءبىراق ورىسشا جانە اعىلشىنشا سويلەي بەردىم. جۇڭگو ەلىندە اعىلشىن ءتىلىن جۇڭگو ءتىلى سياقتى كوپ ادامدار سويلەيدى دەپ مۇلدە ويلاماپپىن.
جۇڭگو حالقى شەتەلدەرگە كوپ شىعا بەرمەيدى، سوندىقتان بولار ولار ءبىزدى شەتەلدىكتەر دەپ اتايدى. جۇڭگو حالقىنا اشىق ءجۇزدى، كوگىلدىر كوزدى ادامدار ۇنايدى. مەن وسى كەلبەتكە ساي كەلەمىن جانە مەنىمەن ءجيى سۋرەتكە تۇسكىسى كەلەدى.
جارتى جىلىم جۇڭگو ەلىندە ءوتىپ ماسكەۋ قالاسىنا بارعانىمدا مەندە كۇيزەلىس بولدى. ءۇش كۇندەي ەشقايدا شىعا المادىم. سىرتقا شىقسام ماسكۇنەم ادامدار جولدىڭ بويىن تورىپ جۇرەدى. كەشكە جۇرسەڭ قورقاسىڭ، ال قىتايدا ادامدار ساعان كۇلىپ قارايدى جانە ءبارى ءوزىنىڭ قىزىعاتىن جۇمىستارىمەن اينالىسىپ جۇرەدى. كىشكەنتاي ءبۇلدىرشىنىڭ ءوزى ۋاقىتپەن جۇرەدى: بالاباقشاعا بارۋ، سۋرەت سالۋ ساباعىنا بارۋ، اعىلشىن ءتىلىن ۇيرەنۋ.
قىزىعى قىتايدا 4 سانى «ءولىم» دەگەن ماعىنانى بەرەدى ەكەن. ولار 4 سانىن ۇيالى تەلەفون مەن ماشينادان كورسە قاشا جونەلەدى. ءتىپتى مەنىڭ تۇراتىن ۇيىمدە 4 نەمەسە 14 ساندارى جوق.
«جۇڭگو حالقى ماعان ۇنايدى، سەبەبى قىتايدا جاقسى ىستەر قولعا الىنعان. ەگەردە جۇڭگو ءتىلىن جاقسى مەڭگەرىپ جاتسام جۇڭگو ەر ازاماتىنا تۇرمىسقا شىققىم كەلەدى»،- دەپ ءالونا ءوز ويىمەن ءبولىستى.
