الماتى وبلىسىندا ءبىر وتباسى ءبىر ساتتە ءۇش بالاسىنان ايىرىلدى، دەپ حابارلايدى قامشى اقپاراتتىق اگەنتتىگى informburo.kz-كە سىلتەمە جاساپ. 

كەلەڭسىز  جاعداي الماتى وبلىسى رايىمبەك اۋدانىنىڭ ءبىر اۋىلىندا ورىن العان.  سۋارمالى ارىققا 2012،2014 جانە 2015 جىلعى جاس بۇلدىرشىندەر اعىپ كەتكەن.

«بالالارى ويناپ جاتقان كەزدە اكەسى ايماقتى ارالاپ قايتپاق بولادى. ال اناسى تۇسكى اس ازىرلەپ جاتقان. بالالار ءۇي جانىندا 300 مەتر جەردە ويناپ جۇرگەن.  بالالار بايقاۋسىزدا ارىققا قۇلاپ كەتكەن» دەپ مالىمدەدى  توتەنشە جاعدايلار باسقارماسى دەپارتامەنتىنىڭ قىزمەتكەرلەرى.

ءدال سول كۇنى ەسكەلدى اۋدانىندا تەرەكتى وزەنىنە  بەلگىسىز سەبەپتەرمەن 2004 جىلعى ەكى قىز سۋعا اعىپ كەتكەنى جايلى  حابار تاراعان بولاتىن.

8 مامىر كۇنى ا. ەسىمدى ازاماتشا ءوزىنىڭ 2004 جانە 2006 جىلعى قىزدارىمەن جانە كورشى ءۇيدىڭ 2004 جىلعى قىزىمەن ساڭىراۋقۇلاق جيناۋعا شىعادى. كەشكىسىن ءوزىنىڭ ۇلكەن قىزىمەن ۇيىنە قايتىپ كەتەدى. ال ەكى قىز سول جەردە قالىپ قويادى. ءبىراز ۋاقىت وتكەن سوڭ تاۋداعى قىزداردىڭ ۇيگە ورالماعانىن بايقايدى.  ءتۇنى بويى ىزدەۋ ەش ناتيجە بەرمەيدى. تاڭەرتەڭ 9 مامىر كۇنى ەكى قىزدىڭ ءمايىتى تەرەكتى وزەنىنەن تابىلادى.

قۇتقارۋشىلاردىڭ مالىمدەۋىنشە، جازاتايىم جاعداي اتا-انالاردىڭ دۇرىس باقىلاۋ جۇرگىزبەگەنىنەن دەيدى.  ەڭ قاراپايىم قاۋىپسىزدىك ەرەجەلەرىنىڭ ساقتالماۋىن دا تىلگە تيەك ەتكەن بولاتىن.

شولۋشى: ايگەرىم تاۋباي