اقش-تاعى  كونگرەسستە امەريكالىق ساراپشىلار ناتو-نىڭ ەۋروپاداعى اسكەر جاساقتاۋىن  كۇشەيتۋ ماقساتىندا قوسىمشا قارجىلاندىرۋ  ۇسىنىسىن جاسادى دەپ حابارلايدى قامشى اقپاراتتىق اگەنتتىگى Life.ru-عا سىلتەمە جاساپ.

كونگرەسستە  اقش قارۋلى كۇشتەرى كوميتەتى  وكىلدەرى مەن اتاقتى  رەند زەرتتەۋ ورتالىعىنىڭ  اياسىندا وتكەن تىڭدالىمدا  بالتىق جاعالاۋى ەلدەرىنە  «رەسەيدەن تونەتىن قاۋىپ-قاتەرلەر» مازمۇنىنداعى  ۇسىنىستار ءتۇستى.

ساراپشىلار قازىرگى رەسەي مەن  سولتۇستىك اتلانتيكالىق اليانستىڭ اراسىنداعى سوعىس قۋاتىمەن، تەحنولوگيالىق جابدىقتاۋ الشاقتادى دەيدى.  

باتىسقا ستراتەگيالىق باعىت الۋىنىڭ  ءوزى، ولاردىڭ جان-جاقتى جۇمىلدىرىلىپ جاساقتالعاندىعى ءارى  رەسەي بۇل باعىتتا ۇلكەن مۇمكىندىكتەرگە يە دەپ توپشىلايدى ساراپشىلار.  سونىمەن بىرگە، تانككە قارسى سوعىس جۇرگىزۋ  ادىستەرى بالتىق جاعالاۋى ەلدەرىنىكىنەن اسىپ تۇسەدى. جانە ولاردىڭ ەلەكتروندى  سوعىس جۇرگىزۋ  تاسىلدەرى 60 ساعات ىشىندە بۇكىل بالتىق جاعالاۋىنداعى استانالاردى قورشاپ، وقشاۋلاپ الۋعا قاۋقارلى.

رەند ماماندارى ناتو-نىڭ  رەسەي قارۋلى كۇشتەرىمەن قاندايدا ءبىر قاقتىعىس سالدارىندا ، سوعىس كۇشىنىڭ مۇمكىندىكتەرىن ارتتىرۋ ءۇشىن  بالتىق جاعالاۋىنداعى امەريكالىق جانە جالپى ناتو-نىڭ اسكەري جاساقتالۋىن  كۇشەيتۋ  شارالارىن  قابىلداۋدى  جەدەلدەتۋگە كەڭەس بەرەدى. نەگىزگى كۇشەيتۋ شارالارىنا اليانستى تەحنيكالىق قايتا قارۋلاندىرۋ كىرەدى.

ولارعا:

بىرىنشىدەن، شابۋىلدىڭ  بەتىن قايتاراتىن انتيرادارلىق كەشەندى كۇشەيتۋ.

ەكىنشىدەن، امەريكالىق اسكەريلەردىڭ اۋە ماسەلەسىندەگى جەتكىلىكسىزدىكتەردى تولىقتىرۋ . سونىمەن قاتار، قوزعالىستاعى انتيزىمىراندىق قورعانىس سالاسىن ارتتىرۋ شارالارىن جۇرگىزۋ .

ۇشىنشىدەن امەريكا قارۋلى كۇشتەرىمەن ونىڭ وداقتاستارى ناتو/م1/م2-لەردىڭ نەگىزگى برونەتترانسپورتەرلىك قورعانىسىن كۇشەيتۋ، جانە قارۋلانۋدى جاڭعىرتۋ مەن «حەللفاير» ، «دجاۆەيلين» سياقتى راكەتالاردىڭ زاماناۋي  تانككە قارسى سوڭعى ديناميكالىق قورعانىستىڭ  موديفيكاسيالارىن ورناتۋ كىرەدى.

وسىعان بايلانىستى، پۋتيندى بۇعان ناندىرۋ  ءۇشىن تەك ەۋروپالىق شىعىس قورعانىستى كۇشەيتۋدى قولداپ، ودان ءارى جۇمىس جاساۋعا شاقىرادى. اقش بالتىق جاعالاۋىنا قارۋلى كۇشتەر توبىن ورنالاستىرۋى شارت دەيدى رەند ۇيىمىنىڭ ساراپشىلارى.

تۇپتەپ كەلگەندە، قاسىمىزداعى الپاۋىت ەل رەسەيدىڭ باتىس باعىتتا كۇشەيۋى  بۇكىل ەۋروپامەن اقش-تىڭ بىرىككەن كۇشتەرى ناتو-نىڭ الاڭداۋشىلىعىن تۋعىزىپ وتىر. بۇعان سەبەپ قىرىمنىڭ اننەكسيالانعانىمەن رەسەي قارۋلى كۇشتەرىنىڭ باشار اسادتى قولداپ، سيرياعا كىرۋى بولۋى مۇمكىن. باستاپقىدا كوپتەگەن ساراپشىلاردىڭ ءپۋتيننىڭ بىلاي   تاۋەكەلگە بارۋىن  قاتەلىككە بالاعانىمەن، ناتو-نىڭ الاڭداۋشىلىعى بوسقا ەمەس. دەمەك، ءپۋتيننىڭ كوزدەگەنىدە وسى بولۋى عاجاپ ەمەس. بالتىق جاعالاۋىنداعى ەلدەردىڭ ءقاۋىپى  ارتقاندىعى سونشا  ناتو-دان كومەك سۇراۋعا ءماجبۇر. بۇل ءتىپتى ەۋروپا ەلدەرىنىڭدە قورعانىس سالاسىنا باسا نازار اۋدارۋىنا سەبەپ بولىپ وتىر. قازىرگى اسكەري تەحنولوگيانىڭ دامۋ سالدارى كەز-كەلگەن دەرجاۆا قوقاڭ-لوققى كورسەتۋ ارقىلى قورعانۋعا ءماجبۇر.

شولۋشى: ارافات دەربەس ۇلى