رەسەيلىك «نوۆايا گازەتا» باسىلىمىنىڭ حابارلاۋىنشا، رەسەي پرەزيدەنتى باسپا ءسوز حاتشىسى دميتريي پەسكوۆ اپتالىق باسپا ءسوز كونفەرەنسياسىندا ساۋد ارابياسىن قاتاڭ سىننىڭ استىنا الدى. ولار ساۋد ارابياسىن تەرروريزمدى تاراتىپ، استاڭ-كەستەڭى شىققان سيريا ەلىندە ال-كايدا ۇيىمىنىڭ باسكەسەرلەرىن قولداپ وتىر دەپ ايىپتادى، دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ.
«ساۋد ارابياسىنىڭ باسشىلارى بيلىككە جارماسىپ، باسقا كورشىلەس مەملەكەتتەردىڭ تۇراقتىلىعى مەن ءال-اۋقاتىن جويۋ ارقىلى ولار وزدەرىنىڭ قارابايىر ايۋاندىق جانە قاتىگەز ساياسي جۇيەسىنىڭ ىدىراۋىن بولدىرمايمىز دەپ ۇمىتتەنەدى»، - دەيدى جەرگىلىكتى ب ا ق وكىلدەرى رەسەي شەنەۋنىگىنىڭ سوزىنە قاتىستى.
بۇدان بۇرىن پۋتين رەسەي ەلى سيريادا تىنىشتىق ورناتۋ جولىندا ساۋد ارابياسىنىڭ كەدەرگى كەلتىرۋىنە بەي-جاي قاراي المايتىندىعىن ايتقان بولاتىن.
«سيريانى وزدەرىنىڭ زۇلىمدىق وشاعىنا اينالدىرعان ساۋد ارابيالىقتاردى رەسەي تۇگىن قالدىرماي تالقاندايدى. بەس جىلدىق ازامات سوعىسىن بەيبىت جولمەن شەشەمىز دەگەنگە سەنەتىن سيريالىق پارتيالار ءبىر ۇستەل باسىندا جينالىپ، ساۋد ارابيالىقتاردىڭ دەسترۋكتيۆتى ءرولىن اشكەرەلەۋى قاجەت»، - دەپ مالىمدەدى رەسەي پرەزيدەنتى ۆلاديمير پۋتين.
سونىمەن قاتار، ەگەر ولار تاياۋ شىعىستاعى راديكالدى تەرروريستەرگە كومەك كورسەتۋلەرىن قويماسا، رەسەي ساۋد ارابياسىن تالقانداپ، ارابتاردىڭ شاتىردا ءومىر سۇرگەن كەزەڭىندەگى تاس عاسىرىنا اينالدىراتىندىعىن قوسا ايتىپ كەتتى.
اۋدارعان: نازەركە لابيحان
