قازاقستانداعى قاسيەتتى جەرلەردىڭ كارتاسى جاسالادى، دەپ حابارلايدى قامشى اقپاراتتىق اگەنتتىگى  today.kz-كە سىلتەمە جاساپ.  بۇل تۋرالى مادەنيەت جانە سپورت ءمينيسترى ارىستانبەك مۇحامەدي ۇلى مالىمدەگەن بولاتىن.

«تاريحى بار جانە  وزىندىك اڭىزعا يە قاسيەتتى جەرلەردىڭ  تامىرى تەرەڭدە جاتىر.  ءبىزدىڭ مىندەتىمىز – قۇندىلىققا تولى قاسيەتتى جەرلەرىمىزدىڭ جاندانا تۇسۋىنە ىقپال جاساۋ. جىلدىڭ سوڭىنا دەيىن قازاقستانداعى كيەلى جەرلەردىڭ كارتاسىن جاساۋ مىندەتى تۇر.  الداعى ەكى اي ىشىندە ەلەكتروندى نۇسقاداعى كارتامەن تانىس بولاسىزدار»، دەپ مالىمدەدى مينيستر.

ايتا كەتسەك، ۇلتتىق قۇندىلىقتاردى دارىپتەۋ ماقساتىندا ۇلىتاۋ ەسكەرتكىشى، قوجا احمەت ياسساۋي كەسەنەسى، بەكەت اتا مازاراتى، شىعىس قازاقستان جانە تاراز ماڭىنداعى قاسيەتتى جەرلەرگە باسا نازار اۋدارىلاتىنى حابارلانعان  بولاتىن.

شولۋشى : ايگەرىم تاۋباي