الماتىدا كولىك رەفورماسى اياسىندا 11،5 ميلليارد تەڭگەگە 300 جاڭا اۆتوبۋس ساتىپ الۋ جوسپارلانىپ وتىر، دەپ حابارلايدى قامشى اقپاراتتىق اگەنتتىگى Tengrinews.kz تىلشىسىنە سىلتەمە جاساپ.

«ءبىز ءماسليحاتتىڭ كەلەسى سەسسياسىنا ەكونوميكالىق ۇسىنىس دايىنداپ قويدىق. ولاردان 11،5 ميلليارد تەڭگە سۇراپ وتىرمىز. 300 جاڭا اۆتوبۋس ساتىپ الماقشىمىز. اۆتوبۋستىڭ ءتورت كاتەگورياسىن ساتىپ العىمىز كەلەدى. ازىرشە ناقتى شەشپەدىك، بۇل ماسەلە تالقىلانىپ جاتىر»، - دەدى الماتى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساحوۆ.

ونىڭ ايتۋىنشا، 32 - التى مەترلىك، 45 - 10 مەترلىك، 200 - 11 مەترلىك، 20 - 20 مەترلىك اۆتوبۋستاردى ساتىپ الۋ جوسپاردا بار. سونداي-اق، ماقسۇت يساحوۆ «الماتىەلەكتروترانس» ءۇشىن 60 اۆتوۋبستىڭ ساتىپ الىنعانىن ايتتى.