اقش پرەزيدەنتى دونالد ترامپقا رەسەيمەن ارادا بايلانىس ورناتۋ قيىنعا سوعۋدا. ەكى ەل اراسىندا بايلانىس ورناتۋ ماسەلەسى سوڭعى ۋاقىتتارى پروبلەماعا اينالعانى جاسىرىن ەمەس. وسى ورايدا قامشى اقپاراتتىق اگەنتتىگى رەسەي مەن اقش قارىم-قاتىناسى تۋرالى امەريكاندىق ساراپشى ماماننىڭ پىكىرىن وقىرمان نازارىنا ۇسىنادى.
«امەريكاندىق بەدەلدى ساياساتكەرلەر مەن ب ا ق وكىلدەرى دە ءوز كەزەگىندە اقش-پەن بايلانىستى ورناتۋىنا قارسىلىق بىلدىرۋدە»- دەيدى ۆاشينگتونداعى امەريكاندىق ۋنيۆەرسيتەتتىڭ پروفەسسورى، يادرولىق زەرتتەۋلەر ينستيتۋتىنىڭ ديرەكتورى پيتەر كۋزنيك.
«ترامپتىڭ رەسەيمەن قارىم-قاتىناس ورناتۋ كەڭىستىگى تار. باستى سەبەپ- جالپى مەديا دا، ساياساتكەرلەردىڭ كوپشىلىگى دە رف-مەن بايلانىس ورناۋعا قارسىلىق تانىتۋى»-دەيدى كۋزنيك.
الايدا، ەكى مەملەكەت اراسىنداعى قارىم-قاتىناستى ورناتۋ قانشالىقتى قيىندىق تۋدىرسا دا، قازىرگى ۋاقىتتا ورناپ تۇرعان شيەلەنىستىڭ دەڭگەيىن تومەندەتۋ ماقساتىندا ءبىز وسى ديالوگقا مۇقتاجبىز.
«ءبىراز ۋاقىت بويى اقش پەن رەسەي اراسىندا ۋكراينا مەن سيريادا بولىپ جاتقان قاقتىعىستاردىڭ ەسەبىنەن سوعىس ورناۋ مۇمكىندىگى تۋرالى دا ايتىلدى. شىن مانىندە، سوعىس باستالىپ كەتە مە دەگەن ۇرەي دە تۋعانى راس»-دەيدى ساراپشى.
ترامپ پرەزيدەنتتىكە ۇمىتكەر بولعاندا رەسەي تۋرالى كوپتەگەن جاقسى نارسەلەر ايتتى، ءۇمىت بار ەدى.. ال پرەزيدەنت بولىپ سايلانىپ العان سوڭ باسقاشا سويلەدى. سايلاۋ الدى كامپانياسىندا ايتىلعان سوزدەرى دالادا قالعانداي بولدى. ول پرەزيدەنت رەتىندە وز-وزىنە كەرەعار كەلەدى.
«مەن ءوزىمنىڭ رەسەيدەگى دوستارىمدى الدىن-الا ەسكەرتكەن بولاتىنمىن، ترامپتىڭ سوزدەرىنە سەنبەۋگە شاقىردىم»-دەيدى كۋزنيك. ساراپشى رەسەيدى ترامتىڭ ايتقان سوزدەرى تىم اسەرلى، جاعىمدى بولسا دا وعان سەنبەۋگە شاقىردى.
دايىنداعان: نازەركە مۇسا
