ءومىر تاڭعاجايىپ وقيعالارعا تولى. كۇندەلىكتى ومىردە ادامدار ءتۇرلى اپاتتى وقيعالاردا امان قالىپ جاتادى. كوبىنەسە بۇل جاعدايلاردى كەزدەيسوقتىق نەمەسە جولى بولعىشتىق دەپ تە اتاپ جاتامىز، الايدا ومىردە ءولىم جازاسىنان كەيىن دە امان قالعان ادامدار بار ەكەن. ءولىم جازاسىنان كەيىن امان قالعان 10 ادامنىڭ ءتىزىمىن قامشى اقپاراتتىق اگەنتتىگى نازارلارىڭىزعا ۇسىنادى.  

ەليزابەت پروكتەرگە 1962 جىلى «مىستان» دەگەن ايىپ تاعىلىپ، ءولىم جازاسىنا كەسىلەدى. سول ۋاقىتتا ەليزابەت جۇكتى بولعان. ءولىم جازاسىنا كەسىلەر ساتتە، ونىڭ موينىنداعى ارقان ءۇزىلىپ كەتىپ جەرگە قۇلايدى. جۇرت ونى ءولدى دەپ ويلاعانىمەن ول امان قالادى.

دجون گەنري دجوردج لي ايەلدەردى ازاپتاپ، ولتىرگەنى ءۇشىن ءولىم جازاسىنا كەسىلگەن. ونىڭ موينىنا ارقان بايلاپ، بيىك قورعاننان تومەنگە 3 رەت لاقتىرعان. الايدا ول بەلگىسىز سەبەپتەرمەن امان قالعان.

ۋيليام دۋەل لوندىندا جاسوسپىرىمدەردى زورلاعانى ءۇشىن تۇتقىندالعان. ونىڭ قاسىندا 4 دوسى بولعان. ولاردىڭ بارلىعىنا ءولىم جازاسى تاعايىندالىپتى. ولاردى ءولدى دەپ ويلاعان دارىگەرلەر ونى حيرۋرگيالىق تەكسەرۋدەن وتكىزەدى. الايدا دارىگەرلەردىڭ ءبىرى ۋيليامنىڭ تىنىس الىپ جاتقانىن بايقايدى.

زولەيحاد كادحودا كۇيەۋىنىڭ كوزىنە ءشوپ سالعاندىعى ءۇشىن ءولىم جازاسىنا كەسىلەدى. شىعىس ەلدەرىندەگى ءداستۇر بويىنشا كۇيەۋىنىڭ كوزىنە ءشوپ سالعان ايەلدەردى تاسپەن اتقىلاپ ولتىرگەن. بۇل ايەلگە تۇرعىنداردىڭ بارلىعى تاس لاقتىرىپ، ءولدى دەپ ءمايىتحاناعا اپارعاندا ول ءتىرى بولىپ شىعادى.

ۆينسەلاو ميگەل مەكسيكا ەلىندەگى ريەۆوليۋسيا كەزىندە تۇتقىندالعان. ول اتۋ جازاسىنا كەسىلىپتى. وعان 9 - وق اتىلعاننان كەيىن، ول امان قالىپ، قاشىپ كەتكەن. كەيىننەن ول ۇزاق ءومىر ءسۇرىپتى.

دجون سميت بىرنەشە ءۇي مەن بانك توناعانى ءۇشىن ءولىم جازاسىنا كىسىلدى. ونىڭ موينىنا ارقان بايلاپ ولتىرمەكشى بولعان ىستەرى جۇزەگە اسپايدى. كەيىننەن ول امان قالىپ، ءبىراز جىل ءومىر سۇرەدى.

اننا گرين ءوزىنىڭ باستىعىنان جۇكتى بولىپ قالادى. ول ءسابيىن دۇنيەگە اكەلگەننەن كەيىن ءولتىرىپ الادى. اننا ءسابيىنىڭ ءمايىتىن جاسىرعىسى كەلگەنمەن ءبارىبىر تۇتقىندالادى. ول ءولىم جازاسىنا كەسىلىپ، ادامدار جەرگە كومىپ جاتقان كەزدە ادامدار ايەلدىڭ تىنىس الىپ جاتىرعانىن بايقايدى. كەيىن ونى دەرەۋ اۋرۋحاناعا جەتكىزەدى.

يوسيف سامۋيل بىرنەشە ادامدى ءولتىرىپ، توناپ كەتكەنى ءۇشىن تۇتقىندالعان. ول اسۋ ارقىلى ءولىم جازاسىنا 3 رەت كەسىلگەن. الايدا ول ءتىرى قالادى. ونىڭ موينىنا بايلانعان ارقان ءۇزىلىپ قالا بەرگەننەن كەيىن ونى ءومىر بويى باس بوستاندىعىنان ايىرۋ جازاسىنا كەسىلگەن.

مەگگي ديكسوننىڭ كۇيەۋى قايتىس بولعان. ول كۇيەۋىنەن ايرىلعان سوڭ ءوزىنىڭ جاڭا تۋعان ءسابيىن وزەنگە لاقتىرىپ جىبەرەدى. كەيىننەن ول تۇتقىندالىپ، ءولىم جازاسىنا كەسىلگەن. ونى كومەتىن كەزدە، تابىتتىڭ ىشىنەن داۋىس شىققان. مەگگي ءتىرى قالىپ سول ۋاقىتتان كەيىن 40 جىل ءومىر ءسۇرىپتى.  

ۆيللي فرەنسيس 16 جاسىندا ءدارىحانا قىزمەتكەرىن ولتىرگەندىگى ءۇشىن ءولىم جازاسىنا كەسىلگەن. ونى ەلەكتر ۇستەلى ارقىلى ءولتىرۋ تۋرالى بۇيرىق شىققانىمەن ول ءتىرى قالعان.

دايىنداعان: اسەل وتەشوۆا