اقش-تىڭ وگايو شتاتىندا كيركەرسۆيلل اتالاتىن اۋماعىندا بەلگىسىز  بىرەۋ قارتتار ۇيىنە وق جاۋدىرعان.  ەكى قىزمەتكەر مەن جەرگىلىكتى پوليسيا باسقارماسىنىڭ باستىعى ولتىرىلگەن دەپ حابارلايدى قامشى اقپاراتتىق اگەنتتىگى Associated Press-كە سىلتەمە بەرىپ. جەرگىلىكتى پوليسيا پۋنكتىنە قارۋلى ادام تۋرالى حابار تۇسكەن. راديو ارقىلى تارالعان بۇل اقپاراتتى حابارلاعان پوليسيا قىزمەتكەرىمەن بايلانىس كەنەتتەن ۇزىلگەن. ارادا ءبىراز ۋاقىت وتكەن سوڭ ول  ءولى كۇيىندە تابىلعان. قىلمىسكەر ەكى قىزمەتكەردى ءولتىرىپ ناتيجەسىندە ءوزىن دە اتىپ ولتىرگەن.

قازا تاپقان پوليسيا باسقارماسىنىڭ باستىعى بۇل قىزمەتىنە كەلگەنىنە نەبارى 3 اپتا بولعان ەكەن. ونىڭ 6 بالاسى مەن جۇكتى ايەلى بولعان.  بۇل وگايو شتاتىندا جاقىن ارادا بولعان ءبىرىنشى اتىس ەمەس. 16 ءساۋىر كۇنى تۇنگى كلۋبتاردىڭ بىرىندە دە بەلگىسىز ادامدار وق جاۋدىرىپ ناتيجەسىندە 5 ايەل مەن 4 ەركەك زارداپ شەككەن.

شولۋشى: نازەركە مۇسا