ايەلدەر كەڭەسى - اسكەري قىزمەتشىلەردىڭ وتباسى مەن ايەلدەر ۇجىمىنداعى مورالدىق-پسيحولوگيالىق جاي-كۇيىن قالىپتاستىرۋ، جەكە قۇرامنىڭ الەۋمەتتىك-تۇرمىستىق جاعدايلارىن جاقسارتۋعا كومەكتەسۋ، سونداي-اق قازاقستان رەسپۋبليكاسىنىڭ قولدانىستاعى زاڭناماسىندا قاراستىرىلعان گەندەرلىك تەڭدىك قاعيداتتارىن ىسكە اسىرۋ اياسىندا ايەل-اسكەري قىزمەتشىلەردىڭ الەۋمەتتىك-قۇقىقتىق قورعاۋ بولىپ تابىلادى. ايەلدەر كەڭەسى قازاقستان رەسپۋبليكاسى قارۋلى كۇشتەرىنىڭ اسكەري بولىمدەرى مەن اسكەري مەكەمەلەرىندەگى ايەلدەر باستاماسى بويىنشا قۇرىلعان.
ايەلدەر كەڭەسىنىڭ ماقساتى - قارۋلى كۇشتەردەرىندە اسكەري قىزمەتىن وتكەرىپ جاتقان وفيسەرلەر مەن سەرجانتتاردىڭ الەۋمەتتىك-تۇرمىستىق سيپاتتاعى جاعدايىن قاداعالاۋ، ياعني، اسكەري قىزمەتشىلەردىڭ ايەلدەرىن جۇمىسقا ورنالاستىرۋ، بالالاردى مەكتەپكە جانە بالاباقشاعا بەرۋ،اسكەري بورىشتى وتەۋ كەزىندە قازا تاپقان وتباسىلارعا جانە الەۋمەتتىك از قامتىلعان وتباسىلاردىڭ بالالارىنا، كوپبالالى وتباسىلارعا، بالالارى ناۋقاس وتباسىلارعا كومەكتەسۋ. وسى ورايدا ايتا كەتەتىن ءجايت، قارۋلى كۇشتەرىندەگى ايەلدەر كەڭەسىنىڭ وكىلدەرى اسكەري قىزمەتشىلەر مەن ولاردىڭ وتباسىلارى تۇرىپ جاتقان اسكەري قالاشىقتار مەن جاتاقحانالاردى ارالاپ، ەڭ وزەكتى ماسەلەلەر تالقىلانىپ، ءبىرقاتار كەزدەسۋلەر وتكىزدى.
ايەلدەر كەڭەسى قازىرگى ۋاقىتتا بەلسەندى جۇمىس اتقارىپ كەلەدى. سونىڭ ءبىرى - الەۋمەتتىك از قامىلعان جانە اسكەري قىزمەتشىلەردىڭ ناۋقاس بالالارىنىڭ ەمدەلۋىنە كومەك قولىن سوزۋ ماقساتىندا - الماتى قالاسىندا الماتى قالاسىنىڭ جەرگىلىكتى اسكەري باسقارۋ ورگاندارىنىڭ ۇيىمداستىرۋمەن تۇڭعىش رەت قايىرىمدىلىق اكسيا جارمەڭكەسى ءوتتى. جارمەڭكە "وتباسى كۇنىنە" وراي ۇيىمداستىرىلعان. ايەلدەر كەڭەسىنىڭ ءتورايىمى قۋاتوۆا سوفيا حاميتوۆنا جارمەڭكەگە قاتىسۋشىلاردى وتباسى كۇنىمەن قۇتتىقتاپ، وسىنداي شارالار الداعى ۋاقىتتا جالعاسىن تاباتىنىن تىلگە تيەك ەتتى. جارمەڭكەگە الماتى قالاسىنىڭ جەرگىلىكتى اسكەري باسقارۋ ورگاندارىنىڭ اسكەري قىزمەتشىلەرى مەن قىزمەتكەرلەرى قولدان پىسىرىلگەن ءدامدى توقاشتار مەن اسپازدىق ونىمدەردى ساتىپ، ولاردان تۇسكەن قاراجاتتى قايىرىمدىلىق قورىنا اۋدارىلادى.
قورىتاكەلگەندە، "ايەل ءبىر قولىمەن بەسىكتى، ەكىنشى قولىمەن الەمدى تەربەيدى” دەمەكشى، ايەل-اسكەري قىزمەتشىلەر بەسىكتى عانا ەمەس، ءبىر قولىمەن قارۋ ۇستاپ، ەل تىنىشتىعىن كۇزەتىپ، وتانىن قورعاپ كەلەدى.
قارلىعاش مۇسابەك قىزى
پىكىر قالدىرۋ