كوپتەگەن ەلدەردە سەمىزدىككە شالدىققان ادامداردى ءجيى كەزدەستىرىپ ءجۇرمىز. اسىرەسە اقش-تا وسى ماسەلەگە تاپ بولعانداردىڭ سانى كوبەيۋدە. سەمىزدىككە شالدىققانداردىڭ ءبىرى نيككي ۆەبستەردىڭ قالاي سالماق تاستاعانى جونىندەگى مالىمەتتى قامشى اقپاراتتىق اگەنتتىگى وقىرمانداردىڭ نازارىنا ۇسىنادى.            

34 جاستاعى  نيككي ۆەبستەر سەمىزدىكتەن كوپ قيىندىق كورىپتى. ءتىپتى ەركىن قوزعالا الماعان. ونىڭ سالماعى 300 كەلىگە دەيىن جەتكەن.

كەيىن ول وزگەرۋ كەرەكتىگىن ءتۇسىنىپتى. ول بارلىعىن تاستاپ، دارىگەر نوۆزارادان جۇمىس جاسايتىن تەحاس قالاسىنا كوشىپ كەلگەن. سونىمەن بىرگە ول شەتەلدىك تەلەارنالاردىڭ بىرىندەگى باعدارلاماعا دا قاتىسىپ ۇلگەرگەن. ول باعدارلامادا نيككي قالاي سالماق تاستاعانى تۋرالى بار شىندىقتى ايتقان.

العاشقى ۋاقىتتا نيككي دۇرىس تاماقتانۋ ارقىلى 25 كەلى سالماق تاستاۋ كەرەك بولاتىن. سودان كەيىن عانا وعان وپەراسيا جاسالعان. نيككي 3 ايدىڭ ىشىندە 25 كەلىنى تاستاپ ۇلگەردى.

وپەراسيا ءساتتى اياقتالىپ، 12 ايدىڭ ىشىندە 94 كەلى سالماق تاستايدى. وسى جاعدايدان سوڭ نيككي تاعى دا سالماق جيناپ الامىن با دەپ قورقىپ دارىگەرمەن اقىلداسا باستايدى. 

وسى كەزدە ونىڭ ومىرىندە قايعىلى وقيعا ورىن الادى. نيككيدىڭ سەمىزدىكپەن كۇرەسىپ جۇرگەن دوسى وپەراسيادان كەيىن قايتىس بولادى. بۇل جاعداي نيككيدىڭ پسيحولوگياسىنا قاتتى اسەر ەتەدى. الايدا نيككي تەز ەسىن جيىپ، سەمىزدىكپەن كۇرەسىن ودان ءارى جالعاستىرا بەرەدى.

ونىڭ سالماعى 15 كەلىگە جەتكەن كەزدە، وعان ارتىق تەرىنى جويۋ ءۇشىن وپەراسيا جاساۋ كەرەك بولادى. وپەراسيا كەزىندە ونىڭ ىشكى اعزاسىنان قان كەتىپ، ءومىرىن قۇتقارۋ ءۇشىن تاعى دا وپەراسيا جاساۋعا تۋرا كەلەدى.

بارلىعى ءساتتى اياقتالدى. نيككي ۇيىنە ورالعان كەزدە ونىڭ سالماعى 107 كەلى بولىپتى. سوسىن ءبىراز جىلدار بويى ساتىپ الا الماعان دجينسى ساتىپ الادى.

قازىرگى ۋاقىتتا نيككيدىڭ سالماعى 88 كەلى. ول ۆەلوسيپەدتى ەمىن-ەركىن تەبە الادى. ونى ءتىپتى ەسكى دوسى كەزدەسۋگە شاقىرا باستاعان. 

دايىنداعان: اسەل وتەشوۆا