نادەجدا شاپوۆال ەسىمدى جالدامالى كۇتۋشى قاراۋىنداعى بالانى ۇرىپ-سوققان دەپ حابارلايدى قامشى اقپاراتتىق اگەنتتىگى.

ۋكراينالىق مارياننا ەسىمدى ايەل تۇركيادا كۇيەۋىمەن بىرگە تۇرادى. ولاردىڭ يامان ەسىمدى  2 جاسار ۇلدارى بار. كۇيەۋى باسقا قالاعا جۇمىس بابىمەن كەتىپ قالعان سوڭ، ايەلگە بالا قاراۋعا كومەكشى قاجەت بولعان.

نادەجدا شاپوۆال سۋما قالاسىنان ىستامبۇلعا كوشىپ كەلگەن. تۋريستىك ۆيزامەن ىستامبۇلعا كەلگەن ول زاڭسىز تۇردە جۇمىس تاۋىپ بەرەتىن اگەنتتىككە ورنالاسقان. وسى ارقىلى مارياننا بۇل ايەلدى جالدايدى.

نادەجدا بۇل وتباسىندا 4 اي ىستەگەن. ونىڭ قىزمەتىنە: ءۇي جيناۋ، تاماق ازىرلەۋ، بالا قاراۋ كىرگەن. سول ۇيدە تۇرعان، تاماقتانعان، ايىنا 500$ ەڭبەكاقى العان. ءۇي يەسى مارياننا اۋرۋحاناعا جاتۋىنا تۋرا كەلگەن. بالانى كۇتۋشىمەن قالدىرماس بۇرىن ۇيگە كامەرا ورناتقان. مۇنداي ارەكەتكە بارۋعا بالاسىنىڭ سوڭعى ۋاقىتتارى دەنەسىندە كوگەرگەن داقتاردىڭ پايدا بولۋى  مەن بالاسىنىڭ كۇتۋشىمەن وڭاشادا قالعىسى كەلمەيتىندىگى سەبەپ بولعان. اۋرۋحانادان شىققان مارياننا كامەرادان  كۇتۋشىسىنىڭ بالاسىن ۇرىپ-سوققان كادرلارىنا كۋا بولعان. بالانىڭ جىلاعانىنا ءمان بەرمەي، ونى جۇلقىلاپ، تىنىشتاندىرۋدىڭ ورنىنا ۇرىپ-سوققان. مارياننا كۇيەۋىمەن ۇيىنە قايتا ورالعاندا نادەجدا قاشىپ ۇلگەرگەن. بالانىڭ قازىرگى جاعدايى ناشار دەيدى اناسى. بىرنەشە كۇن بويى كىشى دارەتكە وتىرا الماعان بالا ابدەن بەتىنە لاقتىرىلعان پامپەرستەن كەيىن شوشىپ قالعان كورىنەدى. قازىگى ۋاقىتتا بالا دارىگەرگە قارالىپ جاتىر. ال قاشىپ كەتكەن بالا كۇتۋشىسى تۇركيانىڭ مارماريس قالاسىندا ۇستالدى.

شولۋشى: نازەركە مۇسا