الەمدە ەۋروپا مەن ازيا بويىنشا كوپتەگەن ۇيىمدار زياندى باعدارلامالاردىڭ كەسىرىنەن كيبەر شابۋىلعا تاپ بولعانى تۋرالى قامشى اقپاراتتىق اگەنتتىگى بۇعان دەيىن دە جازعان.

Europol ديرەكتورى Wainwright، «ءقازىر ءبارىمىز ۇلعايىپ بارا جاتقان قاۋىپپەن بەتپە-بەت تۇرمىز. شابۋىلدان زارداپ كورگەندەر سانى ۋاقىت وتكەن سايىن كوبەيىپ بارادى. ادامدار دۇيسەنبى كۇنى جۇمىسقا بارىپ، كومپيۋتەرىن اشقاندا بۇل سيفرلار ءتىپتى دە ارتىپ كەتە مە دەپ الاڭدايمىن» دەگەن. ەۋروپا وداعىنىڭ پوليسەي ديرەكتورى Rob Wainwright جۇما كۇنى الەم بويىنشا كيبەرشابۋىلدان  150 ەلدە 200 مىڭ كومپيۋتەردىڭ زارداپ كورگەنىن، بۇلاردىڭ كوبى جۇمىس ورنىنداعى، كەيبىرى ۇلكەن كومپانيالاردىڭ كومپيۋتەرلەرى ەكەنىن مالىمدەگەن. اعىلشىننىڭ ITV ارناسىنا سويلەگەن ول «شابۋىلدىڭ بۇعان دەيىنگى كيبەر قىلمىستارعا تەڭدەسسىز ەكەنىن، «ransomware» اتتى ساتىپ الۋ پروگرامماسى مەن «warm» اتتى قۇرت ءتيپتى كومپيۋتەر ۆيرۋستارىنىڭ بىرىگۋى ارقىلى جاسالعانىن ايتقان.

بەلگىلى بولعانداي، ۆيرۋس ساندىق اقشا جۇيەسى Bitcoin ارقىلى قارجى تولەۋگە بوپسالايدى.  الايدا، بۇلاي قۇرباندىق بەرگەندەر سانى وتە از. ۆيرۋس قۇرپاندارى تەك 42 مىڭ دوللار عانا تولەگەن. سونداي-اق  «WannaCry» ۆيرۋسىن تاراتقان كيبەرشابۋىلدى كىمنىڭ جاساعانى دا ءالى بەلگىسىز.