Cartivator جوباسى 2012 جىلى ىسكە قوسىلعان. ونى الپاۋىت كومپانيلار قارجىلاندىردى دەيتىن سىبىستار بۇگىنگە دەيىن تەك ينتەرنەت بەتىندە ايتىلىپ كەلسە، ەندى Toyota رەسمي تۇردە نەگىزدىك كەلىسىم بەرگەن. Nikkei Asian جازعانداي جاپوندىق Toyota كورپوراسياسى ۇشاتىن اۆتو جاساۋ ءۇشىن ەرىكتى تۇردە اينالىساتىن ينجەنەرلەرگە 40 ملن يەن ($350 مىڭ.) بولگەن دەپ حابارلايدى قامشى اقپاراتتىق اگەنتتىگى.

جوبانىڭ كونسەپسياسى ۇسىنىلاتىن ۆيدەروليكتە ءبىر ورىندى اپپارات توكيوداعى 2020 وليمپياداسىنىڭ  باستى ارەناسىنا قويىلعان. ستاديونعا ءجۇرىپ كەلىپ، اۋەگە كوتەرىلەدى. ال، ونى باسقارىپ كەلە جاتقان ادام وليمپيادا الاۋىن جاعادى. ياعني، ءاۆتوموبيلدى جاساۋشىلار وليمپياداعا دەيىن جوبانىڭ جۇزەگە اسقانىن قالايدى.

قازىرگى ۋاقىتتا اپپاراتتىڭ اۋەدە تۇراقتى تۇرا الۋىن قامتاماسىز ەتۋ باستى ماسەلە بولىپ تۇر. سونداي-اق كولىكتىڭ سالماعى ۇشقىشپەن قوسىلعان سالماعى دا قيىندىق تۋدىرعان.

Skydrive جوباسىنىڭ نەگىزىن قالاۋشىلار ۇشاتىن كولىك ارقىلى كولىك بوگەلىسى ماسەلەسى شەشىلىپ، قالالاردىڭ بەزەندىرىلۋى دە كوركەيەدى دەپ سانايدى. سونداي-اق، ۇشاتىن كولىكتى ەنگىزۋگە ءارى ونى جۇرگىزۋشىلەرگە كۋالىك بەرۋ ءۇشىن ارنايى زاڭ مەن ۇيىمدار دا قاجەت بولادى.

Skydrive 2،9*1،3 مەتر ولشەمدى كىشكەنتاي ۇشۋ اپپاراتى بولادى.  ينجەنەرلەر اپپاراتتىڭ جەر بەتىنەن 10 مەتر بيىكتىكتە 100 كم/س جىلدامدىقپەن ۇشاتىن بولادى دەپ كۇتەدى.