ەگەر ءسىز شەرلوك حولمستى نەمەسە ول تۇرعان بەيكەر ستريت اتتى كوشەنى  بىلمەيتىن ادام بار دەپ ايتساڭىز ءبىز وعان سەنە الماس ەدىك. بۇل كەيىپكەر بۇرىننان تانىمال بولىپ كوپتەگەن اۆتورلاردىڭ كەيىپكەرىنە اينالعان. سونىڭ ىشىندە كونان دويل اتتى جازۋشىنىڭ شەرلوك حولمس تۋرالى اڭگىمەلەرىندەگى وقيعالاردى شىنايى ومىردە بولعان دەپ ويلايسىز. بۇل شىعارمادا ادامنىڭ ويىنا كىرىپ-شىقپايتىن بايانداۋلار مەن وقيعالار بار.

شىعارمانىڭ قاي جەرى بولعان، قاي جەرى ويدان شىعارىلعان وقيعا ەكەنىن بىلە المايسىز. ءوزىڭىز ويلاپ كورىڭىز، ءاربىر 5- بريتاندىق ادام شەرلوك حولمس ومىردە بولعان دەپ ويلايدى، ال قالعاندارى ونىڭ ومىردە بولعانىن قالايتىنى دا جاسىرىن ەمەس.

ونى ومىردە بولعان دەپ ەسەپتەۋنىڭ سەبەبىنىڭ ءبىرى وعان ارنالىپ سالىنعان مۇراجاي بولىپ تابىلادى. كونان دويل شەرلوك حولمس تۋرالى جازعان كەزدە بەيكەر ستريتتەگى ءۇيدىڭ نومىرلەرى 100- بەن اياقتالعان. ەسكە سالا كەتەتىن بولساق شەرلوك بەيكەر ستريتتەگى  221ب ءنومىرلى ۇيدە تۇرعان. بۇل ءۇي نەگىزىنەن 239 ءنومىرلى ەكەن، تەك شىعارمادا ءۇيدىڭ ءنومىرى وزگەرتىلگەن. اتالعان ءۇيدىڭ شىنايى يەسى وسىعان بايلانىستى كوپ ماسەلەلەرگە تاپ بولعان ەكەن.

بۇل ۇيدە تۇرعان Abbey National اتتى قۇرىلىس كومپانياسى شەرلوك حولمسقا كەلگەن حاتتاردى جيناقتاۋ ءۇشىن ارنايى قىزمەتكەر جالداعان ەكەن. سەبەبى حاتتاردىڭ سانى وتە كوپ بولعان. اتالعان جەردە قازىرگى كەزدە شەرلوك حولماستىڭ مۇراجايى ورنالاسقان.

مەترونىڭ جانىندا شەرلوك حولمسقا ارنالعان ەسكەرتكىش بار.

سول جەردى انىقتاپ قاراساڭىز باعدارشانى كورەسىز. سول ارقىلى ءجۇرىپ وتىرساڭىز مۇراجايعا جەتەسىز. ەگەر ءسىز مۇراجاي اشىلعان ۋاقىتتا نەمەسە جابالايىن دەپ جاتقاندا كەلسەڭىز جالعىز ءوزىڭىز اسىقپاي كورۋىڭىزگە مۇمكىندىك بولادى. سونىمەن بىرگە جاڭبىرلى كۇنى كەلىپ ارالاساڭىز دا كەرەمەت اسەر الىپ شىعاسىز.

شەرلوك حولماستىڭ  ءۇيى 1815 جىلى سالىنعان. بارلىق بولمەلەرى كونان دويل سۋرەتتەگەندەي جاسالعان. بىردە ءبىر زات كەزدەيسوقتىقتان ورنالاسپاعان. سونىمەن بىرگە مۇراجايدا شەرلوكتىڭ ءرولىن سومداعان اكتەر ليۆانوۆتىڭ سۋرەتى دە بار. ۆاسيليي ليۆانوۆ 2006 جىلى بريتاندىق يمپەريانىڭ وردەنىمەن ماراپاتتالعان ەكەن.

انگليانىڭ پاتشايىمى سوۆەت كەزىندەگى شەرلوك حولمس تۋرالى بۇل كينو تۋىندىنى ەڭ ۇزدىك ەكەنىن ايتىپ مويىنداعان. سوندىقتان بولار، بۇل مۇراجايدا شەرلوك حولمس پەن دارىگەر ۆاتسوننىڭ شىتىرمان وقيعاسى كينوفيلمىندەگى مۋزىكا قويىلىپ تۇرادى.

مۇراجاي 4 قاباتتان تۇرادى.  ءبىرىنشى قاباتتا سۋۆەنيرلەر ساتىپ الۋعا بولادى، بيلەت ساتاتىن كاسسا ورنالاسقان.

ەكىنشى قاباتتا قوناق بولمە، شەرلوكتىى جاتىن بولمەسى بار. بۇل مۇراجايدى سالعان ادامداردىڭ ءبىراز تەر توككەندەرى بايقالىپ تۇر. شەرلوكتىڭ سكريپكاسى مەن دارىگەر ۆاتسوننىڭ ريەۆولۆەرى، سونىمەن بىرگە حيميالىق لابوراتوريانى دا كورۋگە بولادى. مۇراجايدا كرەسلودا وتىرىپ جانىپ تۇرعان كامينانىڭ  قاسىندا جىلىنىپ(كامينا) الۋعا  دا بولادى. شەرلوك حولمستىڭ نەمەسە دارىگەر ۆاتسوننىڭ باس كيىمدەرىن كيىپ سۋرەتكە تۇسۋگە بولادى. بۇل سۋرەتكە بارلىق تانىستارىڭىزدىڭ قىزىعا دا قىزعانا دا قارايتىنى انىق. ايتا كەتەتىن بولساق سۋرەتكە نەمەسە ۆيدەوعا ءتۇسۋ تەگىن.

ءۇشىنشى قاباتتا شەرلوك حولمستىڭ ەڭ جاقىن دوسى مەن كومەكشىسى بولعان دارىگەر ۆاتسون مەن ميسيس حادسوننىڭ بولمەلەرى ورنالاسقان. دارىگەر ۆاتسوننىڭ جاتىن بولمەسىنەن مەديسيناعا بايلانىستى بىرنەشە كىتاپتاردى كورە الاسىز.

ءتورتىنشى قاباتتا العاشىندا اجەتحانا مەن قويما ورنالاسادى دەپ جوسپارلانعان. ءبىراق شەرلوك تۋرالى تۋىندىداعى باسقا دا كەيىپكەرلەرگە ارنالعان ەستەلىكتەر بار. بۇل قاباتتان يرەن ادلەر، دارىگەر رويلوتتا جانە دە كوپكە بەلگىلى موريارتي مەن قابىرعاعا ىلىنگەن باسكەرۆيلەي اتتى ءيتتىڭ باسىن كورۋگە بولادى.

ءسوز سوڭىندا ايتارىمىز ەگەر ءسىز اتاقتى شەرلوك حولمستى جاقسى كورەتىن بولساڭىز اتالعان مۇراجايعا بارىپ ارالاۋدى ۇسىنامىز. بۇل مۇراجايدى ارالاپ ءسىز كەرەمەت اسەر مەن ەستەلىكتەرگە يە بولاسىز.

دايىنداعان: اسەل وتەشوۆا