دۇنيەجۇزىنە تانىمال بولۋدى ارماندايتىندار بار. الايدا قامشى اقپاراتتىق اگەنتتىگى نازارلارىڭىزعا ۇسىنىپ وتىرعان ادامدار ولاردىڭ قاتارىنان ەمەس. ولاردىڭ كەيبىرى فيزيكالىق جەتىسپەۋشىلىگىنىڭ ارقاسىندا تانىلسا، ەندى ءبىرى جانتۇرشىگەرلىك اپاتتان كەيىن ءتىرى قالىپ حالىققا بەلگىلى بولدى.

كارلوس رودريگەس ءوز اقىماقتىعىنىڭ ارقاسىندا زارداپ شەكتى. ول الكوگولدى ىشىمدىككە سىلقىيا تويىپ، ەسىرتكى پايدالانىپ كولىككە وتىرعان. سونىڭ ناتيجەسىندە ءىرى جول اپاتى بولدى. كارلوس رودريگەس كولىكتىڭ الدىڭعى تەرەزەسىنەن ۇشىپ شىعىپ، باسىمەن اسفالتقا ۇرعان.

پول كاراسون كوك ءتۇستى بولىپ تۋىلماعان. 15 جىل بۇرىن تەرىنىڭ قابىنۋىن كوللويدتى كۇمىسپەن ەمدەمەك بولىپ، ناتيجەسىندە ارگيريا بولعان. ادام اعزاسىندا ءۇزاق ۋاقىتقا كۇمىس جينالسا دەنەنىڭ ءتۇسى كوگىلدىر تۇسكە ەنەدى. كوك ءتۇستى ادام 62 جاسىندا جۇرەك تالماسىنان قايتىس بولدى.

بيللي وۋەن مەحانيك بولىپ جۇمىس ىستەگەن. ول ونكولوگيالىق اۋرۋعا شالدىققاندا، ءومىرى تولىعىمەن وزگەردى. راك جاسۋشالارى مۇرىن قۋىسىندا ءورشي تۇسكەندىكتەن دارىگەرلەر بەتىنىڭ وڭ جاق بولىگىندەگى كوز الماسىمەن قوسا نەرۆ جۇيەسىن جانە مۋسكۋلداردى الىپ تاستادى.

ءبىر كوزىمەن بيللي وۋەن بۇرىنعى جۇمىسىن ىستەي المايدى. الايدا ءقازىر ءبيلليدى رەجيسسەرلەر قورقىنىشتى فيلمدەردە ءزومبيدىڭ ءرولىن ويناۋعا كوپتەپ ۇسىنىس جاسايتىن بولعان. ونى شوۋ باعدارلامالارعا دا ءجيى شاقىرادى.

دايىنداعان: اسەم المۇحانبەت