تالدىقورعان قالاسىنىڭ قۇتقارۋ قىزمەتى سوڭعى ەكى تاۋلىك بويى ەكى جاستاعى قىزدى ىزدەستىرۋ جۇمىستارىن اتقارۋدا دەپ حابارلايدى قامشى اقپاراتتىق اگەنتتىگى zakon.kz-كە سىلتەمە جاساپ.

ەكى جاستاعى قىز  13 مامىر كۇنى قاراتال مەن بالىقتى اۋداندارى ارالىعىندا جوعالىپ كەتكەن. جوعالعان بالانىڭ اناسىنىڭ ايتۋى بويىنشا، قىز از ۋاقىتقا عانا قاراۋسىز قالعان. باستاپقىدا ايەل قىزدى ءوزىم ىزدەپ تاۋىپ الام دەپ ويلاسا كەرەك، كەيىنىرەك بۇل ىزدەستىرۋگە جوعالعان قىزدىڭ اكەسى دە قوسىلعان. ىزدەستىرۋ بارىسىندا قىزدىڭ ءبىر اياق كيىمى بالىقتى وزەنىنىڭ بويىنان تابىلعان. ال ەكىنشى اياق كيىمىن سۋدىڭ ىشىنەن تاپقان.

قازىرگى ۋاقىتتا بالانى ىزدەستىرۋ جۇمىستارىمەن پوليسيا قىزمەتكەرلەرى مەن قۇتقارۋشىلار اينالىسۋدا.

«ىزدەستىرۋ جۇمىستارىنا وبلىستىق توتەنشە جاعداي دەپارتمەنتى  قوسىلدى. قاجەتتى تەحنيكا قايىق ت.ب قامتاماسىز ەتىلۋدە. بالىقتى وزەنىنىڭ اينالاسى قارالعان. ءقازىر قاراتال وزەنىنىڭ بويىندا ىزدەستىرۋ جۇمىستارى جۇرگىزىلۋدە»-دەيدى  وبلىستىق ءتجد-نىڭ باسپا ءسوز حاتشىسى ازامات جۇرتبايەۆ.

شولۋشى: نازەركە مۇسا