قالادا جاڭا تۇرعىن ۇيلەر سالىنسا، توبەسى كوككە جەتەتىن قاراپايىم تۇرعىن كۇندەردىڭ بىرىندە مىندەتتى تۇردە كوڭىلدەرى كوولدەي باسىلادى. بۇل ءۇردىس ەلىمىزدە داعدىعا اينالىپ كەتكەندەي. سەبەبى، بىرنەشە قوماقتى سوماداعى قاراجاتقا سالىنعان «ساپالى بولۋى ءتيىس» تۇرعىن ۇيلەر 5-6 جىلعا دا شىداماي قۇلاپ جاتادى، دەپ جازادى قامشى اقپاراتتىق اگەنتتىگى.

الماتى ارناسىنىڭ حابارلاۋىنشا، العاباس ىقشاماۋدانىنىڭ تۇرعىندارىنان تاعى مازا كەتتى. ساۋىردە جاۋعان جاۋىننان سوڭ، ونسىز دا ىرگەتاسى سىر بەرگەن №156 ءۇيدىڭ ۇستىڭگى قاباتى اۋىتقي باستاپتى. اۋەلدە بۇعان ءمان بەرمەگەن حالىق، باسپانالارىنىڭ قابىرعاسى كۇن سايىن ايتارلىقتاي ەڭكەيىپ بارا جاتقانىن بايقاعان. ماڭايداعى ۇيلەردىڭ ىرگەتاسىن نىعايتىپ جاتقان جۇمىسشىلار، تۇرعىندارعا بۇل باسپانانىڭ قابىرعاسى 40 سمگە دەيىن قيسايعانىن ايتىپتى. سودان بەرى جۇرتتىڭ ۇرەيى ۇشىرىپ وتىر. 

«بىلتىر 15 سم قيسايدى، كوميسسيا بۇنى قالىپتى دەپ ايتتى دەدى. جارتى اي بۇرىن 24 دەدى. ال، كەشە ءبىر جۇمىسكەردەن بىلدىرتپەي سۇراساق، ول 40 سم دەپ ايتتى. جارتى مەترگە ءۇيىمىز قيسايىپ تۇر. سوندىقتان، بىزدە تۇندە ۇيقى جوق، كۇندىز كۇلكى جوق. بالالارىمىزدى جەكە ۇيگە تاستاۋعا قورقامىز»،- دەدى قالا تۇرعىنى گۇلنار كارىپجان قىزى.

«ءۇيدىڭ جاعدايى وتىرعاندا كادىمگىدەي بىرەۋ قوزعاپ تۇرعان سياقتى سىقىر-سىقىر ەتەدى. ەسىكتەر ءان سالادى. اس بولمەمنىڭ ەسىگىن سىقىرلاي بەرگەسىن الىپ تاستادىم»،- دەدى تاعى ءبىر قۇالا تۇرعىنى.

دابىل قاققان جۇرتتىڭ جان ايقايىن جەرگىلىكتى اكىمدىك ەستىگەن. ءبىراق، اتقامىنەرلەر ءۇيدى اپاتتى دەۋدەن اۋلاقپىز دەيدى. ويتكەنى، باسپانانىڭ 40 سمگە اۋىتقىعانى، ەل اراسىنداعى جاڭساق پىكىر كورىنەدى.

«بىرەۋلەر اراسىندا سول تۇرعىنداردىڭ وتىرىك ايتقان. 40 سم كەتىپ قالدى، سەندەردىڭ ءۇي ءقاۋىپتى دەپ. سونى بىرەۋ جىبەرىپ، ەلدەر ۇركىپ قالدى»،- دەدى الاتاۋ اۋدانىنىڭ اكىمى، باعدات ءمانىزوروۆ..

مەملەكەتتىك باعدارلامامەن سالىنعان ءۇي وسىدان 3 جىل بۇرىن قولدانىسقا بەرىلگەن. كوپپەن بىرگە قۋانىپ، قونىس تويىن تويلاعانداردىڭ ءبىرى اينۇر قوبىلاندى. مەديسينا قىزمەتكەرى بۇل پاتەرگە ۇزاق جىل كەزەككە تۇرىپ قول جەتكىزگەن. سول قۋانىشى ەندى كوپكە سوزىلمايتىن ءتۇرى بار. ءقازىر اينۇر تۇرعان ءۇي اۋتقىعانى ءوز الدىنا، قابىرعالارىنا دا جارىق ءتۇسىپ، سىرتقى سىلاقتار سوگىلە باستاعان. 

زارە قۇتى قاشقان تۇرعىندار ۇيلەرىنىڭ اپاتتى ەكەنىن ايتىپ توتەنشەلىكتەرگە شاعىمدانعان. الايدا، قۇتقارۋشىلار باسپانادان تۇرعىنداردى كوشىرەتىندەي ءقاۋىپ جوق دەپ كەسىپ ايتىپتى. دەسە دە، قيسايعان قابىرعادان قورىققان حالىق ماماندار نىساندى مۇقيات تەكسەرىپ،  قانشالىقتى ءقاۋىپتى، ءقاۋىپسىز ەكەنىن انىقتاپ بەرسە دەپ وتىر.

شولۋشى: گۇلىم جاقان