قازىرگى كەزدە جىنىسىن اۋىستىرعانداردىڭ سانى ارتىپ كەلە جاتىر. بۇنداي سۇمدىق ارەكەتكە باراتىندار اتاقتى بولۋدى عانا ويلايتىن سەكىلدى. شەتەلدە جىنىسىن اۋىستىرعاندار اتاقتى سانبيكەلەرگە اينالادى. وسىنداي جاعدايلار قازاق جەرىندە دە ورىن الىپ جاتىر. ارينە، وكىنىشتى. بۇرىنعى اتا-بابالارىمىز ءبىز ءۇشىن، تاۋەلسىزدىك ءۇشىن مالىم جانىمنىڭ، جانىم ارىمنىڭ ساداقاسى دەپ كۇرەسكەن ەمەس پە ەدى؟! الايدا قازىرگى قازاق جاستارى دا سول شەتەلدىڭ كەز-كەلگەن تۇككە تۇرعىسىز دۇنيەلەرىنە قىزىعىپ، سولار سەكىلدى ارەكەتتەرگە بارىپ ءجۇر. سونداي ءبىر جيىركەنىشتى ارەكەتكە بارعان شەتەل ازاماتىنىڭ ءبىرى كاسساندرا كاسس.

ول ءقازىر گولليۆۋدتاعى اتاقتى سانبيكە. كەزىندە ول قاراپايىم، سۇيكىمدى ۇل بالا بولعان. ونىڭ 4 اعاسى بار. سونىمەن بىرگە ولاردى اكەسى جالعىز ءوزى تاربيەلەپتى. اكەسى ۇلدارىن ۇنەمى سپورتتىق ۇيىرمەلەرگە قاتىستىرىپ وتىرعان. ول ءوز ۇلدارىنىڭ قىزدىڭ جۇمىسىن جاساۋعا جول بەرمەيتىن ەدى.

ال كىشكەنتاي ۇلدى كوبىسى قىزبەن شاتاستىراتىن. ءبىر كۇنى ول اكەسىنە: «اكە، مەن ايەل بولعىم كەلەدى»، - دەپ ايتقان كورىنەدى. ال اكەسى اشۋلانا قاراپ:«ول كەزدە سەن كىمگە كەرەك بولاسىڭ؟ سەن الەمدەگى ەڭ ۇسقىنسىز ايەل بولاسىڭ»،- دەگەن.

جىگىت 18 جاسقا تولا سالىسىمەن اقشا جيناۋ ءۇشىن فلوريداعا كەتىپ قالادى. ول كاسساندرا اتانۋ ءۇشىن 10 جىلى مەن 250 مىڭ دوللورىن جۇمساعان.

كاسساندرا بولۋى ءۇشىن رينوپلاستيكا جاساعان، سونىمەن بىرگە ەرنىن ۇلكەيتىپ، كەۋدە جاساتقان. ەڭ باستىسى جىنىسىن اۋىستىرىپتى.

ءقازىر ول ءوزى سەكىلدى «قينالعان» جاندارعا كومەكتەسىپ ءجۇر. ول جىنىسىن اۋىستىرۋدى ويلاپ جۇرگەندەرگە قولداۋ ءبىلدىرىپ ءجۇر.

«ەندى مەن كەرەمەت ايەلگە اينالدىم. مەنىڭ وقيعام وزگەلەرگە شابىت بەرەتىنىنە سەنىمدىمىن»،- دەپ مالىمدەگەن.

جىنىسىن اۋىستىرعانىن جاسىرماي، اشىق ايتىپ بەرەتىندەردىڭ سانى ارتۋدا. ەگەر بۇلاي جالعاسا بەرەتىن بولسا وندا الەم قۇردىمعا كەتەتىنى ءسوزسىز. جاستار نەگە جىنىسىن اۋىتىرۋعا قۇمار بولىپ بارادى؟  سەبەپ بىرەۋ. ۇيدەگى تاربيە. كەز-كەلگەن اكە ءوز ۇلىن ناعىز جىگىت قىلىپ تاربيەلەيتىن بولسا وسىنداي سوراقىلىقتار كىشكەنە دە بولسا ازاياتىن ەدى.

دايىنداعان: وتەشوۆا اسەل