الەمدەگى ەڭ ءقاۋىپتى ماماندىقتار تىزىمىندە جۋرناليستەر قاۋىمى  دا بار ەكەنى بەلگىلى. سولاي بولۋعا سەبەپ تە، نەگىز دە بار. ستاتيستيكاعا سۇيەنسەك، الەمدە جىل سايىن جۇزدەگەن جۋرناليستەر قازا تاۋىپ جاتادى. كوپشىلىگى ارنايى، قاساقانا ولىممەن ولەدى. ب ا ق وكىلى دەموكراتيا مەن ءسوز بوستاندىعى ۇعىمدارىنىڭ سيمۆولى، جارشىسى. الايدا ءدال وسى ءسوز بوستاندىعى جولىندا قىرشىننان كەتىپ جاتقاندار ءۇشىن ەشكىم جاۋاپ بەرمەيتىنى كوڭىلگە قاياۋ تۇسىرەدى.

الەمدەگى ەڭ ءقاۋىپتى ەلدەردىڭ ءبىرى –مەكسيكا. جەرگىلىكتى ب ا ق وكىلدەرى ءۇشىن دە بۇل ەل جالا مەن وتىرىكتىڭ، زورلىق پەن زومبىلىقتىڭ وتانى. ال ەڭ ۇلكەن دەرت-ەسىرتكى. وسى جىلدىڭ وزىندە مەكسيكادا 11  ب ا ق وكىلى ولتىرىلگەن دەپ حابارلايدى قامشى اقپاراتتىق اگەنتتىگى. 

جاقىندا مەكسيكالىق تانىمال جۋرناليست، جازۋشى حاۆەر ۆالدەستى اتىپ ولتىرگەن. «ناركوجۋرناليستيكا» اتتى كىتابىن جارىققا شىعارعان ول 50 جاسقا دەيىنگى ءومىرىن وسى ماسەلەگە ارناعان.

«جۋرناليست بولۋ- ءاردايىم قارا تىزىمدە ءجۇرۋ» دەيدى ول. «سەن وق تيمەيتىن كيىم كيىپ الىپ قاسىڭدا وققاعارلارىڭ بار بولسا دا، باندا سەنى قاي كۇنى ولتىرەتىنىن ءوزى شەشەدى»-دەگەن ەكەن مارقۇم جۋرناليست. ول وسى جىلى ولتىرىلگەن جۋرناليستەردىڭ التىنشىسى بولعان ەكەن.

«سينالوا»- ەسىرتكىمەن اينالىساتىن الەمدەگى ەڭ ۇلكەن باندا. مەكسيكادان اقش-قا ەسىرتكى جەتكىزۋمەن اينالىساتىن باستى ۇيىم. ەسىرتكىگە قارسى كۇرەستى ناسيحاتتاۋمەن، وسىمەن اينالىساتىن ۇيىمداردى ۇستاپ بەرۋمەن اينالىسقان مەكسيكالىق جۋرناليستەر ومىرىنە ۇلكەن ءقاۋىپ تونەدى.

اۆتور: نازەركە مۇسا