اقش ادىلەت مينيسترلىگى رەسەيدىڭ اقش-تاعى وتكەن پرەزيدەنت سايلاۋ ناۋقانىنا رەسەيدىڭ قاتىسى بار-جوعىن تەكسەرەتىن ارنايى پروكۋرور تاعايىندادى دەپ حابارلايدى قامشى اقپاراتتىق اگەنتتىگى BBCء-دىڭ ورىس قىزمەتىنە سىلتەمە جاساپ.
ۆەدومستۆو حابارلاعانداي بۇل قىزمەتكە اقش-تىڭ فەدەرالدىق تەرگەۋ بيۋروسىن (FBI) 2001-2013 جىلدارى باسقارعان روبەرت ميۋللەر كەلدى.
اقش باس پروكۋرورىنىڭ ورىنباسارى رود روزەنستاين مالىمدەگەندەي قاجەتتى تەرگەۋدى قاداعالايتىن سىرتتان تاۋەلسىز ساراپشى تارتىلادى.
ترامپ پەن رەسەيدىڭ بايلانىسىن تەكسەرۋ تۋرالى تالاپ اقش پرەزيدەنتىنىڭ 10 مامىردا FBI باسشىسى دجەيمس كوميدى جۇمىستان الۋىنان كەيىن تۋعان.
كومي ترامپتىڭ ۇلتتىق قاۋىپسىزدىك بويىنشا ەكس-كەڭەسشىسى مايكلا فليننىڭ رەسەيمەن قاتىناسىن تەكسەرىپ باستاعان. ءاقۇي بولسا كوميدىڭ جۇمىستان قۋىلۋىن باس پروكۋرور دجەفف سەشنس پەن رودا روزەنستايننىڭ ۇسىنىسىن سەبەپ دەپ تۇسىندىرگەن.
دونالد ترامپ اقش تاريحىندا FBI باسشىسىن جۇمىستان العان ەكىنشى باسقولباسشى بولدى. 1993 بيلل كلينتون ءوزىنىڭ FBI ديرەكتورى ۋيليام سەشنستى جۇمىستان العان.
ايتا كەتەتىن بولساق، كەشە ترامپتىڭ سايلاۋداعى باستى باسەكەلەسى حيللاري كلينتون سايلاۋ ناۋقانى كەزىندە كوتەرگەن باستامالارىن قولداۋ ماقساتىندا جاڭا ساياسي ۇيىم قۇردى. ول 3 مامىردا CNN تەلەارناسىنا بەرگەن سۇحباتىندا ءوزىنىڭ سايلاۋدا جەڭىلۋىنە رەسەيلىك حاكەرلەردى كىنالاعان ەدى.
پىكىر قالدىرۋ