2017 جىلعى 18 مامىردا ق ر مەملەكەتتىك حاتشىسى گ.ن.ءابدىقالىقوۆا ق ر ۇلتتىق مۋزەيىندە ساۋد ارابياسىنىڭ كورولى فەيسال يبن ءابدۋل-ازيز ءال-ساۋدتىڭ ءومىرى مەن قىزمەتىنە ارنالعان «ال-فەيسال: ادىلدىك جانە باتىلدىق جولى» اتتى كورمەنىڭ اشىلۋىنا قاتىستى.

بۇل ءىس-شارانىڭ ۇيىمداستىرۋشىسى – كورول فەيسال اتىنداعى يسلامدى زەرتتەۋلەر ورتالىعى. ول 1983 جىلى الەمدىك تاريحتا يسلامنىڭ ورنى مەن ءرولىن زەردەلەۋ، يسلام قۇندىلىقتارىن، مۇسىلمان مادەنيەتى مەن ونەرىن ىلگەرىلەتۋ ماقساتىندا قۇرىلعان جانە اتالعان ەلدەگى ءىرى عىلىمي جانە مادەني-بىلىم بەرۋ ورتالىقتارىنىڭ ءبىرى بولىپ تابىلادى.

كورمەنىڭ رەسمي اشىلۋ سالتاناتىنا  سونداي-اق ق ر پرەزيدەنتى كەڭسەسىنىڭ باستىعى ماحمۇت قاسىمبەكوۆ، ق ر مادەنيەت جانە سپورت ءمينيسترى ارىستانبەك مۇحامەدي ۇلى، ساۋد ارابياسى كورولىنىڭ كەڭەسشىسى، كورول فەيسال اتىنداعى يسلامدى زەرتتەۋلەر ورتالىعىنىڭ باسقارما ءتوراعاسى، حانزادا تۇركي ال-فەيسال ءال-ساۋد، فەيسال ورتالىعىنىڭ اۋقىمدى دەلەگاسياسى، قازاقستانداعى ساۋد ارابياسى كورولدىگى ەلشىلىگىنىڭ، كوپشىلىك جانە ب ا ق وكىلدەرى قاتىستى.

ق ر مەملەكەتتىك حاتشىسى گۇلشارا ءابدىقالىقوۆا جانە حانزادا تۇركي ال-فەيسال ءال-ساۋد قۇتتىقتاۋ ءسوز سويلەدى.

ءسوز سويلەۋشىلەر مۇنداي كورمە تمد بويىنشا العاش رەت ۇيىمداستىرىلىپ وتىرعانىن اتاپ ءوتتى. ەكسپوزيسيا ساۋد قوعامى ءومىرىنىڭ بارلىق سالاسىنا ىقپال ەتكەن اۋقىمدى رەفورمالاردى باستاپ بەرگەن كورول فەيسال باسقارعان (1964-1975 جج.) ساۋد ارابياسىنىڭ وتكەن كەزەڭىنە ارنالادى.

كورمەدە سيرەك كەزدەسەتىن تاريحي جادىگەرلەر جانە كورول فەيسالدىڭ جەكە زاتتارى: سۋىق قارۋ تۇرلەرى، ناگرادالارى، ارحيۆتىك قۇجاتتار، فوتوگرافيالار جانە باسقالارى تانىستىرىلدى.

ءىس-شارا بارىسىندا سونداي-اق قازاق جانە ورىس تىلدەرىندە جارىق كورگەن «ال-فەيسال: ادىلدىك جانە باتىلدىق جولى» اتتى كىتاپ كوپشىلىك نازارىنا ۇسىنىلدى.

ءىس-شارا بارىسىندا سونداي-اق قازاق جانە ورىس تىلدەرىندە جارىق كورگەن «ال-فەيسال: ادىلدىك جانە باتىلدىق جولى» اتتى كىتاپ كوپشىلىك نازارىنا ۇسىنىلدى.