تانىمال پاروديست ولجاس سىدىقبەك باسى داۋعا قالعان ونەر اقساقالى تۇڭعىشباي جامانقۇلوۆقا پاروديا جاسادى دەپ حابارلايدى قامشى اقپاراتتىق اگەنتتىگى.
ول تۇڭعىشبايدىڭ ورىنداۋىمەن حالىققا تانىلعان ەسەنقۇل جاقىپبەكتىڭ سوزىنە جازىلعان قادىرعالي كوبەنتايدىڭ «ونەر ادامى» ءانىن ورىنداعان.
«تۇڭعىشباي جامانقۇلوۆ...
ۇقساتا الدىم با، جوق پا؟
قازاق ونەرىندەگى الىپ تۇلعا تۇڭعىشباي اعاعا پاروديا جاساعان ەدىم. تەك داۋىسىن عانا ەمەس، ول كىسىنىڭ جۇرەگىنە ءۇڭىلىپ، اۋىر مۇڭىن تۇسىنۋگە، ىشكى مونولوگىن بەرۋگە تىرىستىم. ءبىر عانا "اتتەگەن-ايى" گريمەرلار ول كىسىنىڭ ءتۇرىن ۇقساتا المادى. تۇڭعىشباي اعا ەمەس، اقسەلەۋ اعا ەكەن دەپ قالۋىڭىز مۇمكىن. ەندەشە، قاراپ كورىڭىز!» دەپ جازعان پاروديست الەۋمەتتىك جەلىدە.
ەستەرىڭىزگە سالا كەتسەك، جاسى 69-عا جاقىندا تولاتىن تۇڭعىشباي جامانقۇلوۆتىڭ «69 ميلليون اقشا جىمقىردى» دەگەن كۇدىكپەن جارتى جىلدان بەرى سوتى جالعاسىپ كەلەدى. ونەر ادامىنا قاتىستى سوتتىڭ شەشۋشى وتىرىسى وتكەن جۇمادا ءوتۋى ءتيىس بولاتىن. الايدا، دۇيسەنبىگە قالدى. قازاقستاننىڭ ەڭبەك سىڭىرگەن ءارتىسى ەلباسىنا اراشا سۇراپ حات تا جازعان. ونى قولداعان ونەر ادامدارى جەتەرلىك. قوعامدا جامانقۇلوۆ ىسىنە سەنبەيتىندەر كوپ. ولار ءىستىڭ استارىندا قولىندا بيلىگى بار كەيبىر شەندىنىڭ جەكە مۇددەسى بار دەپ سانايدى.
