مۇسىلمان مەملەكەتتەرىنە باتىس ەلدەرىنىڭ ساياساتكەرلەرى ىس-ساپارمەن ءجيى كەلىپ جاتادى. مۇسىلمان مەملەكەتتەرىنە كەلگەن باتىس ەلدەرىنىڭ ساياساتكەر ايەلدەرى كيىم كيۋ جاعىنان ءبىرشاما قيىندىقتارعا، ىڭعايسىزدىققا تاپ بولىپ جاتادى. يسلام داستۇرىنە سايكەس نازىك جاندىلار كوپشىلىك الدىنا ورامالسىز، باس كيىمسىز شىعۋىنا بولمايدى. وزگە مادەنيەت وكىلدەرىنىڭ يسلام ەلدەرىندە كەلىپ ورامالسىز كوپشىلىك الدىنا شىعۋى – سول ەلدىڭ مادەنيەتىن ساقتاماۋ بولىپ تابىلادى.
قازاقستان مۇسىلماندار وداعى بۇل كەلەڭسىزدىكتەن شىعۋدىڭ جولىن تاپتى، دەپ حابارلايدى قامشى اقپاراتتىق اگەنتتىگى قازاقستان مۇسىلماندار وداعىنىڭ مالىمەتىنە سۇيەنىپ.
«قازاقستانعا كەلگەن شەت ەلدىڭ نازىك جاندى ساياساتكەرلەرگە قازاقى تاقيانى ۇسىندى. اتالعان باس كيىم ءار ءتۇرلى مادەنيەت وكىلدەرىن بىرىكتىرەتىنى ءسوزسىز. تاقيا- ادام سۇلۋلىعىن جاسىرمايدى جانە وزگە ەلدىڭ مادەنيەتىن ساقتامادى دەگەن سوزگە دە قالدىرمايدى. تاقيا- ورامالدىڭ جاڭارعان ءتۇرى» دەپ مالىمدەلدى.
قازاقستان مۇسىلماندار وداعى باسشىلىعى دونالد ترامپتىڭ ايەلى مەن قىزىنا، گەرمانيا كانسلەرى انگەلا مەركەلگە، ۇلىبريتانيانىڭ پرەمەر-مينيسترى تەرەزا مەيگە تاقيا جىبەرىپ، مۇسىلمان مەملەكەتتەرىنە جاساعان ساپارلارىندا كيۋدى ۇسىندى.
شولۋشى : ايگەرىم تاۋباي
