الەمدە ءارتۇرلى ادام بار. ولاردىڭ ءارقايسىسى وزىنشە ەرەكشەلىگى مەن وزگەلەردەن دارالاندىرىپ تۇراتىن قاسيەتكە يە. وزگەلەرگە مۇلدەم ۇقسامايتىن ەرەكشە تاعدىر يەسىنىڭ ءومىرىن قامشى اقپاراتتىق اگەنتتىگى وقىرمان نازارىنا ۇسىنادى.

ۆارۆارا ەسىمدى قىز 14 جاسىندا 10 شاقتى جىگىتتى جالعىز ءوزى كوتەرە العان. ونىڭ اكە-شەشەسى وسىدان 15 جىل بۇرىن شتانگا كوتەرۋدى ۇيرەتە باستاپتى. ولاردىڭ بۇل ارەكەتىنە كوپشىلىك نارازى بولعان، ءتىپتى ولار كىشكەنتاي قىزدى اياعاندىقتان اكە-شەشەسىنىڭ ۇستىنەن سوتقا ارىز جازعان. الايدا ۆارۆارانىڭ اكە-شەشەسى سوتتا ءبارىبىر جەڭىپ شىققان. ۆارۆارا 4 جاسىنان باستاپ پاۋەرليفتينگ اتتى سايىسقا قاتىسقان. ال 14 جاسىندا 10 شاقتى جىگىتتى كوتەرە العان، بۇل شامامەن 700 كەلى بولىپ ەسەپتەلەدى.

ونىڭ اكەسى قىزىنىڭ چەمپيون بولعانىن قالاعان. ال ءقازىر سول ارمانى ورىندالدى. ۆارۆارا الەمدەگى ەڭ مىقتى قىز دەگەن اتپەن تانىلدى.

ال ۆارۆارانىڭ ارمانى وتە قاراپايىم بولدى. ول ءوزىنىڭ جەكە بولمەسى بولعانىن قالادى. ولار وتباسىمەن بىرنەشە جارىستارعا قاتىسىپ، ءبىراز اقشا جينايدى. سودان كەيىن ەكى بولمەلى پاتەر ساتىپ الادى دا، قىزدارىنىڭ ارمانىن ورىندايدى. ۆارۆارا 14 جاسىندا اۋىر اتلەتيكا بويىنشا 2 رەت گيننەستەر كىتابىنا ەنگەن.

ءقازىر ونىڭ كەلەشەككە قويعان جوسپارى وتە كوپ. ءبىراق بارلىق جوسپارى ورىندالا قويماعان. ول ءقازىر فيتنەس-ترەنەر بولىپ قىزمەت جاساپ ءجۇر. ءقازىر ول 25 جاستا. وزگە قىزداردان ەرەكشەلەندىرىپ تۇراتىن ونىڭ دەنە ءمۇسىنى عانا.

ۆارۆارا بۇدان دا ۇلكەن جەتىستىككە جەتۋگە مۇمكىندىگى جەتەرلىك ەدى. نە ءۇشىن جولدىڭ ورتاسىنا كەلىپ توقتاي قالدى؟ ول تاعى دا ءوز رەكوردتارىن جاڭارتا الاتىن. جىلقىنى نەمەسە ءپىلدى كوتەرۋگە كۇشى جەتەتىن. الايدا ول وسى جولدان توقتادى. ونىڭ ايتۋى بويىنشا ءار سپورتشى توقتار جەرىن ءبىلۋى كەرەك ەكەن. 

دايىنداعان: اسەل وتەشوۆا