Facebook قولدانۋشىسى قۋاندىق شاماحاي ۇلى دوسىنىڭ كۋا بولعان وقيعاسىن جازدى. وندا اكەسىنىڭ جەرلەۋىنە بارلىق ەلدى باستىعىنا بولا كۇتتىرتىپ قويعانىن جازادى. 

"كەشە ءبىر دوسىم جاعاسىن ۇستاپ كەلدى. ءبىر ارىپتەسىنىڭ اكەسى قايتىس بولىپ، جەرلەۋىنە قاتىسىپتى. قابىرشىلەر ورالعان سوڭ ءدامحاناداعى جۇرتتى ساعاتتاپ ۇزاق كۇتتىرىپ قويدى دەيدى. سەبەبىن سۇراسا، الگى اكەسى قايتىس بولعان جىگىتتىڭ باستىعى كەلۋى كەرەك ەكەن. باستىعىنىڭ قولى بوساماعان با، اكەسى ولگەن جىگىت ءالسىن-السىن تەلەفون سوعىپ: «پالەن ءپاشتۋانوۆيچ، جۇرت ءسىزدى عانا كۇتىپ وتىر. ءالى باستاعان جوقپىز» دەپ جالىنىپ-جالپايعانى انىق ەستىلىپ تۇرسا كەرەك. 
 ۇزاق كۇتۋدەن شارشاعان مولدانىڭ دا ءتوزىمى تاۋسىلىپ: «ولىم-جىتىمدە دە باستىققا جاعۋدى ويلاۋ دەگەن نە سۇمدىق» دەگەندى ايتىپ قالىپتى. سونىمەن ۇزاق كۇتتىرگەن باستىق زورعا كەلىپ، ارەڭ دەگەندە قۇران وقىلىپ، جينالعان قاۋىم قول جايىپ، ءدام تاتىپتى. اكەسى ولگەن جىگىتتىڭ ەكى ءسوزىنىڭ ءبىرى «پالەن ءپاشتۋانوۆيچ، سىزگە كوپ راقمەت، مىڭ العىس» دەۋمەن بولىپتى. قايعىسىن بولىسكەن، ناۋقانعا اتسالىسقان بىلايعى جۇرتتى ءتىپتى ۇمىتىپ كەتكەن كورىنەدى. 
ءاي، قۋ جاعىمپازدىق-اي دەسەڭشى! اكەسى ولمەسە، باستىعىنىڭ نۇرلى ديدارىن كورە الماي قور بولاتىنداي باسىنا نە تۋدى ەكەن؟ مۇنداي ارسىز جارامساققا نە داۋا" دەيدى قۋاندىق شاماحاي ۇلى.