ساۋد ارابياسىنىڭ استاناسى ەر-ريادتا ءوتىپ جاتقان اراب جانە مۇسىلمان ەلدەرىنىڭ سامميتىندە يراك پەن سيرياداعى تەرروريستەرمەن كۇرەستى قولداۋدىڭ اسكەري كونتينگەنتى قۇرىلدى. بۇل تۋرالى سامميت قورىتىندىسىندا قابىلدانعان قۇجاتتا ايتىلادى. سامميتكە اقش پرەزيدەنتى دونالد ترامپ تا قاتىستى، دەپ حابارلايدى قامشى اقپاراتتىق اگەنتتىگى ازاتتىق راديوسىنا سىلتەمە جاساپ.
ەر-ريادتاعى سامميتكە قاتىسقان 50-دەن استام ەلدىڭ مەملەكەت جانە ۇكىمەت باسشىلارى، ونىڭ ىشىندە اقش پرەزيدەنتى دونالد ترامپ يراك پەن سيرياداعى تەرروريستەرگە قارسى وپەراسيالاردى قولداۋ كونتينگەنتىگن قۇرۋدى قولدادى. كونتينگەنت 34 مىڭ ادامنان قۇرالادى دەپ جوسپارلانعان.
سامميتتە قابىلدانعان "ەر-رياد دەكلاراسياسىندا" سونىمەن قاتار ەكسترەميستىك يدەولوگيامەن كۇرەستىڭ دۇنيەجۇزىلىك ورتالىعى قۇرىلعانى دا ايتىلادى. ورتالىقتىڭ شتاب-پاتەرى ەر-ريادتا ورنالاسپاق.
