جەر شارىنداعى ەڭ بيىك شىڭ ەۆەرەستتە ءۇش الپينيست قازا تاۋىپ، بىرەۋى جوعالىپ كەتتى، دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساپ.
قايعىلى جاعدايعا تاۋلى ايماقتاعى اۋا رايىنىڭ قولايسىزدىعى سەبەپ بولعان. مارقۇمداردىڭ ءمايىتى كۇن رايى جاقسارعان سوڭ عانا تابىلدى.
جازىمعا ۇشىراعان سپورتشىلار – اقش، سلوۆاكيا جانە اۆستراليا ازاماتتارى. «ۆاشينگتون پوست» مالىمەتىنە قاراعاندا، جوعالىپ كەتكەن الپينيست – ءۇندىستاندىق ازامات. مارقۇم امەريكالىق رولاند يارۆۋد بۇعان دەيىن 2015 جىلى ەۆەرەست بيىگىن باعىندىرعان. ول كەزدە قار كوشكىنىنە تاپ بولىپ، اپاتتان امان قالعان رولاند وسى جولى اجالدان قۇتىلا المادى. ايتا كەتەيىك، بۇعان دەيىن الەمدەگى ەڭ بيىك شىڭدى ەڭسەرۋ جولىندا 250-دەن استام ادام قازا تاپقان.
شولۋشى: ايگەرىم تاۋباي
