بىرنەشە كۇن بۇرىن مەكسيكالىق ءبىر توپ تۇرعىن رەسەيلىك ءبىر ەر ادامدى اياماي ءولىمشى ەتىپ ساباعان ۆيدەوسى الەۋمەتتىك جەلىدە كەڭىنەن تارالدى، دەپ حابارلايدى قامشى اقپاراتتىق اگەنتتىگى.
سوققىعا جىعۋلارىنىڭ باستى سەبەبى: رەسەيلىك ازامات جەرگىلىكتى تۇرعىندارعا قاتىستى اۋىر ءسوز ايتىپ، ءتىل تيگىزگەن ەكەن. نامىستى تۇرعىندار وزدەرىنە قاراتىلىپ ايتىلعان اۋىر ءارى بالاعات سوزدەردى ەستىگەندە اشۋعا بۋلىعىپ، جۇدىرىقتاسا باستاعان.
ۆيدەودا كورىنىپ تۇرعانداي، رەسەيلىك ازامات ءبىر توپ اشۋلى تۇرعىنداردان قاشىپ، ۇيىنە تىعىلماق بولعان. الايدا، ويى ىسكە اسپادى. ۇيلەردىڭ تەرەزەسى سىنعان، ال ەر ادامنىڭ دەنەسىندە ساۋ تامتىق قالماعان. رەسەيلىك ەر ادامدى بار كۇشتەرىمەن تاياقپەن، تەمىرمەن ۇرىپ سوققان. تەكسەرۋ بارىسىندا ەر ادامنىڭ پىشاق جاراقاتىن العانى بەلگىلى بولدى. سونىمەن قاتار، رەسەيلىك ەر ادامنىڭ ءوزى دە مەكسيكالىق تۇرعىننىڭ بىرەۋىن اۋىر جاراقاتتاپ، سالدارىنان ول جان ساقتاۋ بولىمىندە كوز جۇمعان.
اشۋعا بۋلىققان مەكسيكالىق ءبىر توپ تۇرعىن وسىلايشا رەسەيلىك ازاماتتى ولتىرۋگە شاق قالدى. سونىمەن قاتار، اقش-تا رەسەيلىك ءبىر بويجەتكەننىڭ ءمايىتى تابىلعان.
ال مىنا ۆيدەودا رەسەيلىك ازاماتتىڭ مەكسيكالىق تۇرعىنداردى قالاي بالاعاتتاعانى، ءتىل تيگىزگەنى كورسەتىلگەن.
شولۋشى: نازەركە لابيحان
